പ്രവേശന വിലക്കേർപ്പെടുത്തിയ റെസിഡൻസി വിസക്കാർക്കായുള്ള ഓൺലൈൻ സേവനം: 29,000ത്തോളം പേർ രെജിസ്റ്റർ ചെയ്തു

പ്രവേശന വിലക്കേർപ്പെടുത്തിയ റെസിഡൻസി വിസക്കാർക്കായി യു എ ഇ വിദേശകാര്യ മന്ത്രാലയം ആരംഭിച്ച ഓൺലൈൻ സേവനത്തിൽ 29,000ത്തോളം പേർ രെജിസ്റ്റർ ചെയ്തതായി അധികൃതർ അറിയിച്ചു. നിലവിൽ യു എ ഇയ്ക്ക് പുറത്ത് ഉള്ള സാധുവായ യു എ ഇ റെസിഡൻസി വിസ ഉള്ളവർക്ക് വേണ്ടി മിനിസ്ട്രി ഓഫ് ഫോറിൻ അഫയേഴ്‌സ് ആൻഡ് ഇന്റർനാഷണൽ കോപ്പറേഷന്റെ (MOFAIC) ഔദ്യോഗിക വെബ്‌സൈറ്റിലാണ് ഈ സേവനം ഒരുക്കിയിരിക്കുന്നത്.

The ‘Tawajodi’ service received 29,000 registration requests from UAE residents who are still outside the country, to ease communication and be provided with support, Dr. Al Mazrouei said. #UAEGov

— UAEGOV (@UAEmediaoffice) March 28, 2020

അടിയന്തിര ഘട്ടങ്ങളിലും തീരെ ഒഴിവാക്കാൻ കഴിയാത്ത മാനുഷിക പരിഗണന അർഹമായ സാഹചര്യങ്ങളിലും നിലവിൽ രാജ്യത്തിനു പുറത്ത് ഉള്ള സാധുവായ യു എ ഇ റെസിഡൻസി വിസ ഉള്ളവർക്ക് യു എ ഇയിലേക്ക് പ്രവേശിക്കാനുള്ള സഹായങ്ങൾക്കായി ഈ സേവനത്തിലൂടെ രെജിസ്റ്റർ ചെയ്യാവുന്നതാണ്.

ഇതിൽ രജിസ്റ്റർ ചെയ്യുന്നവർക്ക് അടിയന്തിര ഘട്ടങ്ങളിൽ രാജ്യത്തേക്ക് പ്രവേശിക്കാനാകുമോ എന്ന് അറിയുവാനും, സാഹചര്യങ്ങൾ അധികൃതരെ ബോദ്ധ്യപ്പെടുത്തുവാനും മന്ത്രാലയവുമായി നേരിട്ട് ബന്ധപ്പെടാവുന്നതാണ്.

https://www.mofaic.gov.ae/en എന്ന MOFAIC-ന്റെ ഔദ്യോഗിക വെബ്‌സൈറ്റിൽ “Services” എന്ന പ്രധാന മെനുവിന് കീഴെ “Individual Services” > “Tawajudi Residents” എന്ന മെനുവിൽ നിന്ന് ഈ സേവനം ലഭ്യമാണ്.