ബഹ്‌റൈനിലെ ഇ-ഗവൺമെൻറ് സംവിധാനത്തിലൂടെ, BeAware ആപ്പ് ഉപയോഗിക്കുന്നവർക്ക് COVID-19 പരിശോധനാ ഫലങ്ങൾ സർട്ടിഫിക്കറ്റ് രൂപത്തിൽ നൽകുന്ന പുതിയ സേവനം ആരംഭിച്ചു. ബഹ്‌റൈൻ ആരോഗ്യ മന്ത്രാലയം സാക്ഷ്യപ്പെടുത്തിയ COVID-19 ടെസ്റ്റ് സർട്ടിഫിക്കറ്റ്, ഈ സേവനത്തിലൂടെ ആപ്പിൽ നിന്ന് ഉപയോക്താക്കൾക്ക് പ്രിൻറ് ചെയ്തെടുക്കാവുന്നതാണ്.
BeAware ആപ്പിലെ, PCR Examination Certificate എന്ന സംവിധാനത്തിൽ നിന്നാണ് ഈ സേവനം ലഭിക്കുന്നത്. ഈ ആപ്പിൽ രജിസ്റ്റർ ചെയ്തിട്ടുള്ള എല്ലാ ഉപയോക്താക്കൾക്കും, ആപ്പ് ഏറ്റവും പുതിയ വേർഷനിലേക്ക് അപ്ഡേറ്റ് ചെയ്യുന്നതിലൂടെ ഈ സേവനം ലഭിക്കുന്നതാണ്.
PCR പരിശോധനകൾക്ക് ശേഷം ഫലങ്ങൾ ഈ ആപ്പിൽ ലഭിക്കുന്നതാണ്. ഇതിനു ശേഷം ആപ്പിലെ ഇലക്ട്രോണിക് സർവീസസ് എന്ന സംവിധാനത്തിലൂടെ സർട്ടിഫിക്കറ്റ് പ്രിൻറ് ചെയ്തെടുക്കാവുന്നതാണ്.
