യു എ ഇ: റാഷിദ് റോവറിന്റെ വിക്ഷേപണം മാറ്റിവെച്ചു; പുതിയ വിക്ഷേപണ തീയതി പിന്നീട് പ്രഖ്യാപിക്കും

2022 ഡിസംബർ 1-ന് നടക്കാനിരുന്ന റാഷിദ് റോവറിന്റെ വിക്ഷേപണം മാറ്റിവെച്ചതായി മുഹമ്മദ് ബിൻ റാഷിദ് സ്പേസ് സെന്റർ (MBRSC) അറിയിച്ചു. 2022 ഡിസംബർ 1-ന് രാവിലെ 7:30-നാണ് (യു എ ഇ സമയം) MBRSC ഇക്കാര്യം അറിയിച്ചത്.

SpaceX has announced a stand down from today's launch of the Falcon 9 rocket, carrying aboard the Rashid Rover, after inspections of the launch vehicle and data review. A new target launch date will be confirmed.#EmiratesLunarMission #UAEtotheMoon pic.twitter.com/2rIqTeYhCb

— MBR Space Centre (@MBRSpaceCentre) December 1, 2022

“റഷീദ് റോവറിനെ വഹിച്ച് കൊണ്ടുള്ള ഫാൽക്കൺ 9 റോക്കറ്റിന്റെ ഡിസംബർ 1-ന് നടക്കാനിരുന്ന വിക്ഷേപണം നീട്ടിവെച്ചതായി സ്പേസ്എക്സ് അറിയിച്ചു. റോക്കറ്റിന്റെ സാങ്കേതികപരിശോധനകൾക്ക് ശേഷമാണ് ഈ തീരുമാനം. പുതിയ വിക്ഷേപണ തീയതി പിന്നീട് പ്രഖ്യാപിക്കുന്നതാണ്.”, MBRSC ട്വിറ്ററിലൂടെ വ്യക്തമാക്കി.

After further inspections of the launch vehicle and data review, we're standing down from tomorrow's launch of @ispace_inc's HAKUTO-R Mission 1; a new target launch date will be shared once confirmed

— SpaceX (@SpaceX) December 1, 2022

യു എ ഇ: റാഷിദ് റോവറിന്റെ വിക്ഷേപണം ഡിസംബർ 1-ലേക്ക് മാറ്റിവെച്ചു

2022 നവംബർ 30-ന് നടക്കാനിരുന്ന റാഷിദ് റോവറിന്റെ വിക്ഷേപണം 2022 ഡിസംബർ 1-ലേക്ക് മാറ്റിവെച്ചതായി കഴിഞ്ഞ ദിവസം MBRSC അറിയിച്ചിരുന്നു.

ജാപ്പനീസ് കമ്പനിയായ ഐസ്പേസ് നിർമ്മിച്ചിട്ടുള്ള Hakuto-R M1 എന്ന ലൂണാർ ലാൻഡറിലാണ് റാഷിദ് റോവർ ചന്ദ്രോപരിതലത്തിൽ ഇറങ്ങുന്നത്. ഫ്ലോറിഡയിലെ കേപ്പ് കാനവേറൽ സ്പേസ് സ്റ്റേഷനിൽ നിന്ന് ഒരു സ്പേസ്എക്സ് ഫാൽക്കൺ 9 റോക്കറ്റ് ഉപയോഗിച്ചാണ് റാഷിദ് റോവർ വിക്ഷേപിക്കുന്നത്.