ദുബായ് മാരത്തോൺ 2023 മത്സരവുമായി ബന്ധപ്പെട്ട്, ഫെബ്രുവരി 12, ഞായറാഴ്ച ദുബായ് മെട്രോയുടെ പ്രവർത്തനസമയം നീട്ടുമെന്ന് റോഡ്സ് ആൻഡ് ട്രാൻസ്‌പോർട്ട് അതോറിറ്റി (RTA) അറിയിച്ചു. 2023 ഫെബ്രുവരി 10-ന് രാത്രിയാണ് RTA ഇക്കാര്യം അറിയിച്ചത്.
ഈ അറിയിപ്പ് പ്രകാരം, 2023 ഫെബ്രുവരി 12-ന് ദുബായ് മെട്രോയുടെ പ്രവർത്തനം പുലർച്ചെ 4 മണിമുതൽ (സാധാരണ ഞായറാഴ്ചകളിലെ 8 മണിക്ക് പകരമായി) ആരംഭിക്കുന്നതാണ്. ദുബായ് മാരത്തോണിൽ പങ്കെടുക്കുന്നതിനായി എക്സ്പോ സിറ്റിയിലേക്ക് യാത്ര ചെയ്യേണ്ടവർക്ക് യാത്ര സേവനങ്ങൾ സുഗമമാക്കുന്നതിനാണ് ഈ തീരുമാനം.
ഞായറാഴ്ച രാവിലെ 6 മണിമുതൽ ഉച്ചയ്ക്ക് ഒരു മണിവരെയാണ് ദുബായ് മാരത്തോൺ 2023 സംഘടിപ്പിക്കുന്നത്.
