എമിറേറ്റിലെ ഈദുൽ അദ്ഹ ആഘോഷങ്ങളുടെ ഭാഗമായി കരിമരുന്ന് പ്രദർശനം, സംഗീത പരിപാടികൾ എന്നിവ അരങ്ങേറുമെന്ന് അബുദാബി മീഡിയ ഓഫീസ് അറിയിച്ചു. 2023 ജൂൺ 27-ന് വൈകീട്ടാണ് അബുദാബി മീഡിയ ഓഫീസ് ഇക്കാര്യം അറിയിച്ചത്.
അബുദാബി നഗരത്തിലും, അൽ ഐൻ, അൽ ദഫ്‌റ മുതലായ ഇടങ്ങളിലും പ്രത്യേക ആഘോഷപരിപാടികൾ സംഘടിപ്പിക്കുന്നതാണ്. ഈദുൽ അദ്ഹ ആഘോഷങ്ങളുടെ ഭാഗമായുള്ള കരിമരുന്ന് പ്രദർശനം അബുദാബിയിലെ താഴെ പറയുന്ന ഇടങ്ങളിലാണ് സംഘടിപ്പിക്കുന്നത്:
- അബുദാബി കോർണിഷ് – 2023 ജൂൺ 28, രാത്രി 9 മണിക്ക്.
- ഹസ ബിൻ സായിദ് സ്റ്റേഡിയം, അൽ ഐൻ – 2023 ജൂൺ 28, രാത്രി 9 മണിക്ക്.
- ഗിയതി – 2023 ജൂൺ 28, രാത്രി 9 മണിക്ക്.
- മദിനത് സൈദ് പബ്ലിക് പാർക്ക്, അൽ ദഫ്‌റ – 2023 ജൂൺ 28, രാത്രി 9 മണിക്ക്.
- യാസ് ബേ വാട്ടർ ഫ്രണ്ട്, യാസ് ഐലൻഡ് – 2023 ജൂൺ 28, രാത്രി 9 മണിക്ക്.
- ഹുദൈരിയത് ഐലൻഡ് – 2023 ജൂൺ 28, രാത്രി 9 മണിക്ക്.
- അൽ മുഗൈരാ ബീച്ച് – 2023 ജൂൺ 28, രാത്രി 9 മണിക്ക്.
പ്രാദേശിക, അന്താരാഷ്ട്ര കലാകാരൻമാർ അവതരിപ്പിക്കുന്ന സംഗീത പരിപാടികൾ:
- അസ്സല നസ്രി അവതരിപ്പിക്കുന്ന സംഗീത പരിപാടി – അൽ ഐൻ കൺവെൻഷൻ സെന്റർ – 2023 ജൂൺ 29.
- റബീഹ് സഗീർ അവതരിപ്പിക്കുന്ന സംഗീത പരിപാടി – ഇത്തിഹാദ് അരീന, യാസ് ഐലൻഡ് – 2023 ജൂൺ 30.
