ഫെഡറൽ നാഷണൽ കൗൺസിലിലെ (FNC) പ്രതിരോധ, ആഭ്യന്തര, വിദേശകാര്യ കമ്മിറ്റി ചെയർമാൻ ഡോ. അലി റാഷിദ് അൽ നുഐമി ഇന്ത്യയുടെ വിദേശകാര്യ സെക്രട്ടറി വിക്രം മിശ്രിയുമായി കൂടിക്കാഴ്ച നടത്തി. അബുദാബിയിൽ വെച്ചായിരുന്നു ഈ കൂടിക്കാഴ്ച.
എമിറേറ്റ്സ് ന്യൂസ് ഏജൻസിയാണ് ഇക്കാര്യം റിപ്പോർട്ട് ചെയ്തത്. യു എ ഇയും ഇന്ത്യയും തമ്മിലുള്ള തന്ത്രപരമായ പങ്കാളിത്തത്തിന് അനുസൃതമായി, ഫെഡറൽ നാഷണൽ കൗൺസിലും ഇന്ത്യൻ പാർലമെന്റും തമ്മിലുള്ള പാർലമെന്ററി സഹകരണം വർദ്ധിപ്പിക്കുന്നതിനുള്ള വഴികളെക്കുറിച്ച് യോഗത്തിൽ ഇരുപക്ഷവും ചർച്ച ചെയ്തു.
പരസ്പര താൽപ്പര്യമുള്ള വിഷയങ്ങളിൽ ഏകോപനവും വൈദഗ്ധ്യ കൈമാറ്റവും ശക്തിപ്പെടുത്തുക എന്നതായിരുന്നു ഈ ചർച്ചകളുടെ ലക്ഷ്യം.
WAM
