ബസ്ര ഇന്റർനാഷണൽ സ്റ്റേഡിയത്തിൽ വെച്ച് 2023 ജനുവരി 13-ന് നടന്ന അറേബ്യൻ ഗൾഫ് കപ്പ് ഫുട്ബാൾ ടൂർണമെന്റിന്റെ ബി ഗ്രൂപ്പ് മത്സരത്തിൽ ബഹ്‌റൈൻ, കുവൈറ്റ് എന്നിവർ ഓരോ ഗോൾ വീതം നേടി സമനിലയിൽ പിരിഞ്ഞു.
മത്സരത്തിന്റെ ഇരുപത്താറാം മിനിറ്റിൽ മെഹ്ദി അൽ ഹുമൈദാൻ ബഹ്‌റൈന് വേണ്ടി ഗോൾ നേടി.
എന്നാൽ നാല്പത്തഞ്ചാം മിനിറ്റിൽ ശബാബ് അൽ ഖാലിദി നേടിയ ഗോളിലൂടെ കുവൈറ്റ് സമനില പിടിച്ചു.
ഇതോടെ ഗ്രൂപ്പ് ബിയിൽ ഏഴ് പോയിന്റ് നേടിയ ബഹ്‌റൈൻ സെമി ഫൈനലിലേക്ക് യോഗ്യത നേടിയിട്ടുണ്ട്.
ഗ്രൂപ്പിലെ മറ്റൊരു മത്സരത്തിൽ ഖത്തർ, യു എ ഇ എന്നിവർ ഓരോ ഗോൾ വീതം നേടി സമനിലയിൽ പിരിഞ്ഞിരുന്നു. ഗ്രൂപ്പിൽ ഖത്തർ, കുവൈറ്റ് എന്നീ ടീമുകൾക്ക് നാല് പോയിന്റുകൾ വീതം ഉണ്ടെങ്കിലും മികച്ച ഗോൾ ശരാശരിയോടെ ഖത്തർ സെമി ഫൈനലിലേക്ക് യോഗ്യത നേടിയിട്ടുണ്ട്.
Cover Image: Kuwait National Football Team.
