നിർമ്മാണ പ്രവർത്തനങ്ങളുമായി ബന്ധപ്പെട്ട് മുഹറഖിൽ 2021 ഒക്ടോബർ 23, ശനിയാഴ്ച്ച മുതൽ ഗതാഗത നിയന്ത്രണമേർപ്പെടുത്തുമെന്ന് ബഹ്‌റൈൻ വർക്ക്സ് മിനിസ്ട്രി അറിയിച്ചു. മുഹറഖിലെ പുതിയ ബഹുനില കാർ പാർക്കിംഗ് സംവിധാനത്തിന്റെ നിർമ്മാണവുമായി ബന്ധപ്പെട്ടാണ് ഈ ഗതാഗത നിയന്ത്രണം.
ഈ അറിയിപ്പ് പ്രകാരം, ഒക്ടോബർ 23 മുതൽ ഷെയ്ഖ് അബ്ദുല്ല അവന്യൂവിലെ കിഴക്കൻ ദിശയിലേക്കുള്ള ഒരു വരി ട്രാഫിക്കിനാണ് നിയന്ത്രണം ഏർപ്പെടുത്തുന്നത്. ഷെയ്ഖ് മുഹമ്മദ് അവന്യൂ, ഷെയ്ഖ് ഇസ അവന്യൂ എന്നിവിടങ്ങൾക്കിടയിൽ കിഴക്കൻ ദിശയിലേക്കുള്ള ട്രാഫിക് ഇതിന്റ ഭാഗമായി നിയന്ത്രിക്കുന്നതാണ്.
ഈ വരിയിലെ ട്രാഫിക് ഷെയ്ഖ് മുഹമ്മദ് അവന്യൂവിലേക്ക് വഴി തിരിച്ച് വിടുന്നതാണ്. ഒക്ടോബർ 23 മുതൽ 25 ദിവസത്തേക്കാണ് ഈ ട്രാഫിക് നിയന്ത്രണം പ്രഖ്യാപിച്ചിരിക്കുന്നത്.
