രാജ്യത്തെ ഏതാനം മേഖലകളിൽ പ്രവർത്തിക്കുന്ന സ്ഥാപനങ്ങളോട് തങ്ങളുടെ ഉപഭോക്താക്കളുടെ വിവരങ്ങൾ പേപ്പർ ഒഴിവാക്കിക്കൊണ്ട് ശേഖരിക്കാൻ ബഹ്‌റൈൻ ആരോഗ്യ മന്ത്രാലയം നിർദ്ദേശം നൽകി. ഏതാനം പ്രവർത്തനമേഖലകളിലെ COVID-19 ആരോഗ്യ സുരക്ഷാ നിർദ്ദേശങ്ങളിൽ മാറ്റങ്ങൾ വരുത്തുന്നതിന്റെ ഭാഗമായാണ് ഈ നിർദ്ദേശം.
താഴെ പറയുന്ന മേഖലകളിലെ പ്രവർത്തനങ്ങൾക്കാണ് ഈ നിദ്ദേശങ്ങൾ ബാധകമാക്കുന്നത്:
- സലൂൺ, ബ്യൂട്ടി പാർലർ, ബാർബർ ഷോപ്പ്.
- സ്വിമ്മിങ് പൂൾ.
- റെസ്റ്ററന്റുകൾ, കോഫി ഷോപ്പുകൾ.
- ജിം, സ്പോർട്സ് അക്കാദമി.
- ഔട്ഡോർ ഫീൽഡ്.
- ബീച്ചുകൾ.
ഇത്തരം പ്രവർത്തനമേഖലകളിലെ ഉപഭോക്താക്കൾ, സന്ദർശകർ എന്നിവരുടെ വിവരങ്ങൾ പേപ്പർ സംവിധാനത്തിൽ സൂക്ഷിക്കുന്നതിന് പകരം ‘BeAware Bahrain’ ആപ്പിലൂടെ നടപ്പിലാക്കുന്നതിനാണ് മന്ത്രലയം നിർദ്ദേശിച്ചിട്ടുള്ളത്.
