സലാലയിലെ കൊമേർഷ്യൽ മാർക്കറ്റ് സ്ഥിതിചെയ്യുന്ന മേഖലയിൽ ആരോഗ്യ കാരണങ്ങളാൽ ഐസൊലേഷൻ ഏർപ്പെടുത്തിയതായി റോയൽ ഒമാൻ പോലീസ് അറിയിച്ചു. ജൂലൈ 7, 2020 വരെയാണ് നിയന്ത്രണങ്ങൾ ഏർപെടുത്തിയിട്ടുള്ളതെന്ന് അല്പം മുൻപ് റോയൽ ഒമാൻ പോലീസ് പുറത്തുവിട്ട അറിയിപ്പിൽ പറയുന്നുണ്ട്.
കഴിഞ്ഞ ദിവസങ്ങളിൽ ഈ മേഖലയിൽ ഉണ്ടായിട്ടുള്ള കൊറോണ വൈറസ് വ്യാപന സാധ്യതകൾ മുൻനിർത്തിയാണ് ഈ തീരുമാനം. ഇന്ന് മാത്രം 290-ൽ പരം COVID-19 കേസുകളാണ് സലാലയിൽ നിന്ന് സ്ഥിരീകരിച്ചിട്ടുള്ളത്.
