ലോകകപ്പ് 2022-ന് മുന്നോടിയായി 2022 നവംബർ 16-ന് നടന്ന സൗഹൃദ മത്സരത്തിൽ ക്രൊയേഷ്യ സൗദി അറേബ്യയെ പരാജയപ്പെടുത്തി. എതിരില്ലാത്ത ഒരു ഗോളിനാണ് ക്രൊയേഷ്യ വിജയിച്ചത്.
റിയാദിലെ പ്രിൻസ് ഫൈസൽ ബിൻ ഫഹദ് സ്റ്റേഡിയത്തിലാണ് ഈ സൗഹൃദ മത്സരം നടന്നത്. മത്സരത്തിന്റെ എൺപത്തിരണ്ടാം മിനിറ്റിൽ ആന്ദ്രേ ക്രമാറിച്ചാണ് ക്രൊയേഷ്യയ്ക്ക് വേണ്ടി ഗോൾ നേടിയത്.
ഇടത് വശത്ത് നിന്ന് ലൂക്ക മോഡ്രിച്ച് നൽകിയ പാസിൽ നിന്നാണ് ക്രമാറിച്ച് ഗോൾ നേടിയത്. മത്സരത്തിന്റെ എഴുപത്തിനാലാം മിനിറ്റിൽ ലൂക്ക മോഡ്രിച്ച് സ്കോർ ചെയ്‌തെങ്കിലും റഫറി ഓഫ്‌സൈഡ് വിധിക്കുകയായിരുന്നു.
കഴിഞ്ഞ ദിവസം നടന്ന മറ്റ് സൗഹൃദ മത്സരങ്ങളിൽ അർജന്റീന യു എ ഇയെയും (5-0), ജർമനി ഒമാനെയും (1-0), ഉസ്‌ബെക്കിസ്ഥാൻ കസാഖിസ്ഥാനെയും (2-0) പരാജയപ്പെടുത്തിയിരുന്നു.
Image Source: FIFA.
