രാജ്യത്തെ വിവിധ സാംസ്‌കാരിക, പൈതൃക കേന്ദ്രങ്ങൾ സന്ദർശകർക്കായി തുറന്ന് കൊടുക്കാൻ തീരുമാനിച്ചതായി സൗദി ഹെറിറ്റേജ് കമ്മീഷൻ അറിയിച്ചു. പ്രാദേശിക മാധ്യമങ്ങളാണ് ഇക്കാര്യം റിപ്പോർട്ട് ചെയ്തത്.
സൗദി ചരിത്രം, സംസ്കാരം എന്നിവയെക്കുറിച്ച് സന്ദർശകർക്ക് കൂടുതൽ അടുത്തറിയാൻ അവസരം നൽകുന്നതിനായാണ് ഈ തീരുമാനം. താഴെ പറയുന്ന സാംസ്‌കാരിക, പൈതൃക കേന്ദ്രങ്ങളിലേക്കാണ് സന്ദർശകർക്ക് പ്രവേശനം അനുവദിച്ചിരിക്കുന്നത്:
- കിംഗ് അബ്ദുൽഅസീസ് കാസ്റ്റിൽ, ദുബ, തബുക് – ശനി മുതൽ വ്യാഴം വരെ രാവിലെ 9 മണിമുതൽ വൈകീട്ട് 5 മണിവരെ. വെള്ളിയഴ്ച്ചകളിൽ വൈകീട്ട് 3.30 മുതൽ രാത്രി 8 വരെ.
- മഗാഹർ ശുഐബ്, തബുക് – ശനി മുതൽ വ്യാഴം വരെ രാവിലെ 9 മണിമുതൽ വൈകീട്ട് 5 മണിവരെ. വെള്ളിയഴ്ച്ചകളിൽ വൈകീട്ട് 3 മുതൽ വൈകീട്ട് 6 വരെ.
- ഹൈൽ മേഖലയിലെ ജബൽ ഉം സിൻമൻ, ഫയദ് കോട്ട, അയ്റാഫ് കോട്ട – ശനി മുതൽ വ്യാഴം വരെ രാവിലെ 9 മണിമുതൽ വൈകീട്ട് 5 മണിവരെ. വെള്ളിയഴ്ച്ചകളിൽ വൈകീട്ട് 3.30 മുതൽ രാത്രി 8 വരെ.
- ഖാസിം മേഖലയിലെ അൽ ഷഹാന ടവർ – ഞായർ മുതൽ വ്യാഴം വരെ രാവിലെ 9 മണിമുതൽ വൈകീട്ട് 6 മണിവരെ. വെള്ളി, ശനി ദിനങ്ങളിൽ വൈകീട്ട് 4 മുതൽ രാത്രി 9 വരെ.
- ഖാസിം മേഖലയിലെ ബൈത് അൽ ബസ്സാം, അൽ മാസുകിഫ് മാർക്കറ്റ് – ശനി മുതൽ വ്യാഴം വരെ രാവിലെ 9 മണിമുതൽ വൈകീട്ട് 5 മണിവരെ. വെള്ളിയഴ്ച്ചകളിൽ വൈകീട്ട് 3.30 മുതൽ രാത്രി 8 വരെ.
- അൽ ജൗഫ് മേഖലയിലെ ഖാഫ് പാലസ് (അൽ ഖുറിയത്), സകാക ആർക്കിയോളജിക്കൽ ഏരിയ, സബാൽ കാസ്റ്റിൽ, രാജാജൽ കൊളംസ്, ദുമത് അൽ ജൻന്ദാൽ ആർക്കിയോളജിക്കൽ ഏരിയ – ആഴ്ച്ചയിൽ എല്ലാ ദിവസവും രാവിലെ 9 മുതൽ ഉച്ചയ്ക്ക് 12 മണിവരെയും, വൈകീട്ട് 4.30 മുതൽ രാത്രി 7 മണിവരെയും.
