മേഖലയിലെ ഏറ്റവും വലിയ കലാ സാംസ്‌കാരിക വിനോദ വാണിജ്യ മേളയായ ഗ്ലോബൽ വില്ലേജിന്റെ ഇരുപത്തൊമ്പതാം സീസൺ സമാപിച്ചു. 2025 മെയ് 18-നാണ് ഗ്ലോബൽ വില്ലേജിന്റെ ഇരുപത്തൊമ്പതാം സീസൺ സമാപിച്ചത്.
نحتفي بالترحيب ب 10.5 مليون ضيف في #القرية_العالمية! كل زيارة من ضيوفنا أضافت لهذا الموسم ذكريات لا تُنسى. شكراً لكل من شاركنا هذه الرحلة الرائعة في عالم اكثر روعة!✨#عالم_أكثر_روعة.
— Global Village القرية العالمية (@GlobalVillageAE) May 19, 2025
Celebrating 10.5 million stories at #GlobalVillage! Every laugh, happy tear, and shared… pic.twitter.com/vTRmFlry4l
സന്ദർശകരുടെ എണ്ണത്തിൽ റെക്കോർഡ് നേട്ടം കൈവരിച്ച് കൊണ്ടാണ് ഗ്ലോബൽ വില്ലേജിന്റെ ഇരുപത്തൊമ്പതാം സീസൺ സമാപിച്ചത്. 10.5 ദശലക്ഷം സന്ദർശകരാണ് ഇത്തവണത്തെ ഗ്ലോബൽ വില്ലേജ് സന്ദർശിച്ചത്.
കഴിഞ്ഞ വർഷം നടന്ന ഗ്ലോബൽ വില്ലേജിന്റെ ഇരുപത്തെട്ടാം സീസണിൽ 10 ദശലക്ഷം സന്ദർശകരെത്തിയിരുന്നു. ഈ വർഷം പത്തര ദശലക്ഷത്തിലധികം സന്ദർശകരെ സ്വീകരിക്കാനായതിൽ അതിയായ സന്തോഷമുണ്ടെന്ന് ദുബായ് ഹോൾഡിങ് എന്റർടൈൻമെന്റ് സി ഈ ഓ ഫെർണാണ്ടോ എയ്‌റോ അറിയിച്ചു.
എമിറേറ്റിലെ ഏറ്റവും പ്രിയപ്പെട്ട വിനോദസഞ്ചാരകേന്ദ്രം എന്ന സ്ഥാനത്തിന് അടിവരയിടുന്നതാണ് ഗ്ലോബൽ വില്ലേജിന്റെ ഈ നേട്ടമെന്ന് അദ്ദേഹം ചൂണ്ടിക്കാട്ടി. വിനോദം, രുചിവൈവിധ്യങ്ങൾ, മികച്ച ഷോപ്പിംഗ് എന്നിവയിലൂടെ ഗ്ലോബൽ വില്ലേജ് കുടുംബങ്ങൾക്ക് ലോകനിലവാരത്തിലുള്ള അനുഭവങ്ങൾ നൽകുന്നതായി അദ്ദേഹം കൂട്ടിച്ചേർത്തു.
മുപ്പത് പവലിയനുകളിലായി ഏതാണ്ട് 90-ൽ പരം സംസ്കാരങ്ങൾ അണിനിരന്ന ഇത്തവണത്തെ ഗ്ലോബൽ വില്ലേജിൽ നാനൂറില്പരം കലാകാരന്മാർ ഒരുക്കിയ നാല്പത്തിനായിരത്തോളം കലാപരിപാടികൾ അരങ്ങേറി. ലോകത്തിന്റെ വിവിധ ഭാഗങ്ങളിൽ നിന്നുള്ള 3500-ൽ പരം ചില്ലറവില്പനശാലകൾ, 250-ൽ പരം ഭക്ഷണശാലകൾ എന്നിവ ഇത്തവണത്തെ ഗ്ലോബൽ വില്ലേജിന്റെ ഭാഗമായിരുന്നു.
ഗ്ലോബൽ വില്ലേജിന്റെ ഇരുപത്തൊമ്പതാം സീസൺ 2025 മെയ് 11-ന് അവസാനിക്കുമെന്നാണ് നേരത്തെ അറിയിച്ചിരുന്നത്. എന്നാൽ സന്ദർശകരുടെ അഭ്യർത്ഥന മാനിച്ച് കൊണ്ട് ഗ്ലോബൽ വില്ലേജിന്റെ ഇരുപത്തൊമ്പതാം സീസൺ 2025 മെയ് 18 വരെ ഒരാഴ്ചത്തേക്ക് കൂടി നീട്ടാൻ അധികൃതർ തീരുമാനിക്കുകയായിരുന്നു.
Cover Image: Global Village.
