ഓഗസ്റ്റ് 20 മുതൽ 31 വരെ 5 ഇന്ത്യൻ നഗരങ്ങളിലേക്ക് വിമാനസർവീസുകളുമായി എമിറേറ്സ്

കേരളത്തിലെ രണ്ട് നഗരങ്ങൾ ഉൾപ്പടെ, അഞ്ച് ഇന്ത്യൻ നഗരങ്ങളിലേക്ക് ദുബായിൽ നിന്ന് ഓഗസ്റ്റ് 20 മുതൽ 31 വരെ പ്രത്യേക സർവീസുകൾ നടത്തുമെന്ന് എമിറേറ്സ് അറിയിച്ചു. കൊച്ചി, തിരുവനന്തപുരം, ഡൽഹി, മുംബൈ, ബെംഗളൂരു എന്നീ നഗരങ്ങളിലേക്കാണ് ഈ കാലയളവിൽ എമിറേറ്സ് സർവീസുകൾ പ്രഖ്യാപിച്ചിട്ടുള്ളത്.

Emirates will operate special repatriation flights between @DXB and five cities in India (Bengaluru, Delhi, Kochi, Mumbai and Thiruvananthapuram) from 20 until 31 August. https://t.co/s16oEZn96U#FlyEmiratesFlyBetter #Above_The_Clouds pic.twitter.com/i1QdWxPlII

— Emirates (@emirates) August 20, 2020

നാട്ടിലേക്ക് മടങ്ങാൻ ആഗ്രഹിക്കുന്ന പ്രവാസി ഇന്ത്യക്കാർക്കും, ഇന്ത്യയിൽ നിന്ന് യു എ ഇയിലേക്ക് മടങ്ങുന്ന യു എ ഇ പൗരന്മാർക്കും, റെസിഡൻസി വിസകളിലുള്ള യാത്രാനുമതിയുള്ള ഇന്ത്യക്കാർക്കുമായാണ് ഈ പ്രത്യേക വിമാനങ്ങൾ സർവീസ് നടത്തുന്നത്. ദുബായിൽ നിന്നാണ് സർവീസുകൾ.

ഓഗസ്റ്റ് 20 മുതൽ 31 വരെ പ്രഖ്യാപിച്ചിട്ടുള്ള എമിറേറ്സ് വിമാനങ്ങൾ:

• ബെംഗളൂരു – ഓഗസ്റ്റ് 21, 23, 25, 28, 30 തീയ്യതികളിൽ.
• കൊച്ചി – ഓഗസ്റ്റ് 20, 22, 24, 27, 29, 31 (യഥാക്രമം ഓഗസ്റ്റ് 21, 23, 25, 28, 30, സെപ്റ്റംബർ 1 തീയ്യതികളിൽ തിരികെ ദുബായിലേക്ക്)
• ഡൽഹി – ഓഗസ്റ്റ് 31 വരെ ദിനവും ഓരോ സർവീസ് വീതം.
• മുംബൈ – ഓഗസ്റ്റ് 31 വരെ ദിനവും ഓരോ സർവീസ് വീതം.
• തിരുവനന്തപുരം – ഓഗസ്റ്റ് 26. (ഓഗസ്റ്റ് 27-ന് തിരികെ ദുബായിലേക്ക്)

ട്രാവൽ ഏജൻസികൾ വഴിയും, https://www.emirates.com/in/english/ എന്ന എമിറേറ്സ് വെബ്സൈറ്റിലൂടെയും ടിക്കറ്റുകൾ ബുക്ക് ചെയ്യാവുന്നതാണ്. യു എ ഇയിലേക്കും, ഇന്ത്യയിലേക്കുമുള്ള യാത്രാ നിബന്ധനകൾ പ്രകാരമുള്ള യാത്രികർക്ക് മാത്രമാണ് യാത്രാനുമതി നൽകുന്നത്.

ദുബായിൽ നിന്ന് ഇന്ത്യയിലേക്കുള്ള യാത്ര:

• നാട്ടിലേക്ക് മടങ്ങാൻ ആഗ്രഹിക്കുന്ന ഇന്ത്യൻ പൗരന്മാർക്ക് മാത്രമാണ് യാത്രാനുമതി.

ഇന്ത്യയിൽ നിന്ന് ദുബായിലേക്ക്:

• യു എ ഇ പൗരന്മാർ.
• GDFRA-യിൽ നിന്നുള്ള മുൻ‌കൂർ അനുവാദമുള്ള ദുബായ് റെസിഡൻസി വിസകളിലുള്ളവർ.
• മറ്റു എമിറേറ്റിൽ നിന്നുള്ള റെസിഡൻസി വിസകളിലുള്ളവർക്ക് https://uaeentry.ica.gov.ae/ എന്ന വിലാസത്തിലൂടെ ICA-യുടെ യാത്രാനുമതി ലഭിച്ചിട്ടുണ്ടെന്ന് ഉറപ്പാക്കേണ്ടതാണ്.
• യു എ ഇയിലേക്കുള്ള യാത്രികർക്ക് മാത്രമാണ് യാത്രാനുമതി.
• യാത്രയ്ക്ക് മുൻപ് 96 മണിക്കൂറിനിടയിൽ ലഭിച്ച COVID-19 PCR നെഗറ്റീവ് റിസൾട്ട് നിർബന്ധമാണ്.

യു എ ഇ: ദുബായിലേക്ക് മടങ്ങുന്ന റെസിഡൻസി വിസക്കാർക്ക് GDRFA പെർമിറ്റ് നിർബന്ധം

ദുബായിലേക്ക് മടങ്ങുന്ന റെസിഡൻസി വിസക്കാർക്കുള്ള കൂടുതൽ യാത്രാ നിർദ്ദേശങ്ങൾ മുകളിൽ നൽകിയ വിലാസത്തിൽ ലഭ്യമാണ്.

യുഎയിലേക്ക് യാത്രചെയ്യുന്നവർ ICA മുൻ‌കൂർ അനുവാദവുമായി ബന്ധപ്പെട്ട ഈ കാര്യങ്ങൾ ദയവായി ശ്രദ്ധിക്കുക

യുഎയിലേക്ക് യാത്രചെയ്യുന്ന റെസിഡൻസി വിസകളിലുള്ളവരുടെ ICA മുൻ‌കൂർ അനുവാദവുമായി ബന്ധപ്പെട്ട സംശയങ്ങൾ ദൂരീകരിക്കുന്നതിനും, യാത്രകളിൽ ഉടലെടുക്കാവുന്ന തടസങ്ങൾ ഒഴിവാക്കുന്നതിനും സഹായകമാകുന്ന ഏതാനം വിവരങ്ങൾ മുകളിൽ നൽകിയ വിലാസത്തിൽ ലഭ്യമാണ്.