ടിക്ക്ടോക്ക്, യുസി ബ്രൗസർ തുടങ്ങിയ 59 സ്മാർട് ഫോൺ ആപ്ലിക്കേഷനുകൾ ഇന്ത്യ നിരോധിച്ചു

ടിക്ക്‌ടോക്ക് അടക്കം 59 ചൈനീസ് നിർമ്മിത സ്മാർട്ഫോൺ ആപ്ലിക്കേഷനുകള്‍ ഇന്ത്യ നിരോധിച്ചു. ടിക്ക്‌ടോക്കിനു പുറമെ ഷെയര്‍ ഇറ്റ്, യുസി ബ്രൗസർ, ഇഎസ് ഫയല്‍ എക്‌സ്‌പ്ലോറര്‍, സിഎം ബ്രൗസര്‍ തുടങ്ങിയ ഇന്ത്യയിൽ വ്യാപകമായി ഉപയോഗിക്കുന്ന സ്മാർട്ഫോൺ ആപ്പുകളാണ് കേന്ദ്ര സർക്കാർ നിരോധിച്ചത്.

രാജ്യത്തിന്റെ ഐക്യത്തിനും, അഖണ്ഡതയ്ക്കും, ദേശസുരക്ഷയ്ക്കും ക്രമസമാധാനത്തിനും വെല്ലുവിളി ഉയർത്തുന്നുവെന്നതിനാലാണ് ഈ ആപ്പുകൾ നിരോധിക്കുന്നതെന്ന് സർക്കാർ പ്രസ്താവനയിൽ വ്യക്തമാക്കിയിട്ടുണ്ട്. ഇന്ത്യ – ചൈന അതിര്‍ത്തി തര്‍ക്കം മുറുകുന്നതിനിടെയാണ് കേന്ദ്രസർക്കാർ ഈ തീരുമാനം എടുത്തിട്ടുള്ളതെന്നത് ശ്രദ്ധേയമാണ്.