ഇന്ത്യ – ഒമാൻ സമഗ്ര സാമ്പത്തിക പങ്കാളിത്ത കരാർ (CEPA) സംബന്ധിച്ച ചർച്ചകൾ ഇരുരാജ്യങ്ങളും പൂർത്തിയാക്കി. 2025 ഡിസംബർ 17-നാണ് ഒമാൻ ന്യൂസ് ഏജൻസി ഇക്കാര്യം റിപ്പോർട്ട് ചെയ്തത്.
معالي وزيرُ التّجارة والصّناعة وترويج الاستثمار، يبحث مع معالي وزير التجارة والصناعة بجمهورية #الهند سبل تعزيز التّعاون الاقتصادي والتّجاري بين البلدين الصديقين والارتقاء بالعلاقات الثُّنائية إلى مراحل أكثر تقدّمًا تقوم على الشراكات الاستراتيجيّة والاستثمارات النوعيّة والمشروعات… pic.twitter.com/Uo6OI0tb6K
— وكالة الأنباء العمانية (@OmanNewsAgency) December 17, 2025
ഒമാൻ വാണിജ്യ, വ്യവസായ വകുപ്പ് മന്ത്രി H.E. ഖൈസ് ബിൻ മുഹമ്മദ് അൽ യൂസഫ്, ഇന്ത്യൻ വാണിജ്യ, വ്യവസായ വകുപ്പ് മന്ത്രി ശ്രീ. പിയൂഷ് ഗോയൽ എന്നിവർ തമ്മിൽ ഇത് സംബന്ധിച്ച ചർച്ചകൾ നടന്നു. ഇന്ത്യ – ഒമാൻ സാമ്പത്തിക, വ്യാപാര സഹകരണം ശക്തമാക്കുന്നതിന്റെ വിവിധ വശങ്ങളെക്കുറിച്ച് ഇരുവരും ചർച്ചകൾ നടത്തിയിരുന്നു.
ഔദ്യോഗിക സന്ദർശനത്തിന്റെ ഭാഗമായി ഇന്ത്യൻ പ്രധാനമന്ത്രി ശ്രീ. നരേന്ദ്ര മോദി 2025 ഡിസംബർ 17-ന് ഒമാനിലെത്തിയതിന്റെ പശ്ചാത്തലത്തിലായിരുന്നു ഈ ചർച്ചകൾ.
ഇന്ത്യ – ഒമാൻ സമഗ്ര സാമ്പത്തിക പങ്കാളിത്ത കരാർ താമസിയാതെ ഒപ്പ് വെക്കുമെന്ന് ഒമാൻ വാണിജ്യ, വ്യവസായ വകുപ്പ് മന്ത്രി അറിയിച്ചിട്ടുണ്ട്. ഈ കരാർ സംബന്ധിച്ച ചർച്ചകൾ വിജയകരമായി പൂർത്തിയാക്കിയതായി അദ്ദേഹം കൂട്ടിച്ചേർത്തു.
ഈ കരാർ ഒപ്പ് വെക്കുന്നതിന് മുന്നോടിയായുള്ള അതിന്റെ അവസാന ഘട്ടത്തിലേക്ക് കടന്നതായി അദ്ദേഹം വ്യക്തമാക്കി. ഈ കരാർ ഇന്ത്യയിലെയും, ഒമാനിലെയും ബിസിനസ് സ്ഥാപനങ്ങൾക്ക് പുതിയ അവസരങ്ങൾ തുറന്ന് കൊടുക്കുമെന്നും, വാണിജ്യ, വ്യാപാര നീക്കങ്ങൾ സുഗമമാകുമെന്നും, പൊതു – സ്വകാര്യ മേഖലകളുടെ സഹകരണം കൂടുതൽ മികച്ചതാക്കുമെന്നും അദ്ദേഹം അഭിപ്രായപ്പെട്ടു.
ഇന്ത്യ – ഒമാൻ സമഗ്ര സാമ്പത്തിക പങ്കാളിത്ത കരാറിന്റെ കരടിന് ഒമാൻ ഷൂറ കൗൺസിൽ ഏതാനം ദിവസങ്ങൾക്ക് മുൻപ് അംഗീകാരം നൽകിയിരുന്നു.
Cover Image: Oman News Agency.
