അൽ ദഫ്‌റയിലെ ലിവയിൽ വെച്ച് നടക്കുന്ന ലിവ ഇന്റർനാഷണൽ ഫെസ്റ്റിവലിന്റെ മൂന്നാമത് പതിപ്പ് 2024 ഡിസംബർ 13-ന് ആരംഭിക്കും. 2024 ഒക്ടോബർ 25-ന് അബുദാബി മീഡിയ ഓഫീസാണ് ഇക്കാര്യം അറിയിച്ചത്.
‘ലിവ 2025’ എന്ന പേരിൽ നടക്കുന്ന മൂന്നാമത് ലിവ ഇന്റർനാഷണൽ ഫെസ്റ്റിവൽ 2024 ഡിസംബർ 13 മുതൽ 2025 ജനുവരി 4 വരെ നീണ്ട് നിൽക്കും.
അബുദാബി കൾച്ചർ ആൻഡ് ടൂറിസം, ലിവ സ്പോർട്സ് ക്ലബ്, അൽ ദഫ്‌റ മുനിസിപ്പാലിറ്റി, അബുദാബി പോലീസ്, മിറാൽ എന്നിവർ സംയുക്തമായാണ് ഈ മേള സംഘടിപ്പിക്കുന്നത്.
പ്രാദേശികമായും, ആഗോളതലത്തിലും ശൈത്യകാലം ചെലവഴിക്കുന്നതിനായുള്ള മികച്ച ഒരു ഇടം എന്ന രീതിയിൽ അൽ ദഫ്‌റയുടെ പ്രാധാന്യം എടുത്ത് കാട്ടുന്നതാണ് ഈ മേള. അതിഗംഭീരമായ കരിമരുന്ന് പ്രയോഗങ്ങൾ, സംഗീത പരിപാടികൾ, കലാപരിപാടികൾ, കായികമത്സരങ്ങൾ തുടങ്ങിയവ ലിവ ഇന്റർനാഷണൽ ഫെസ്റ്റിവലിന്റെ ഭാഗമായി അരങ്ങേറും.
Cover Image: Abu Dhabi Media Office.
