ഒമാനിലെ പ്രവാസി തൊഴിലാളികൾക്കായി നടപ്പിലാക്കാൻ തീരുമാനിച്ചിരുന്ന സാമൂഹിക ഇൻഷുറൻസ് പദ്ധതി അടുത്ത വർഷത്തേക്ക് നീട്ടി. ഒമാൻ ന്യൂസ് ഏജൻസിയാണ് ഇക്കാര്യം റിപ്പോർട്ട് ചെയ്തത്.
Royal Decree issued on amending some provisions of Royal Decree No. 52/2023 on the promulgation of the Social Protection Law. pic.twitter.com/NPsre4n9Lz
— Oman News Agency (@ONA_eng) July 13, 2025
ഇതുമായി ബന്ധപ്പെട്ട് ഒമാൻ ഭരണാധികാരി ’60/2025′ എന്ന ഒരു ഉത്തരവ് പുറത്തിറക്കിയിട്ടുണ്ട്. ഈ ഉത്തരവ് പ്രകാരം സോഷ്യൽ പ്രൊട്ടക്ഷൻ നിയമം നടപ്പിലാക്കുന്നതുമായി ബന്ധപ്പെട്ട ’52/2023′ എന്ന ഉത്തരവിലെ ഏതാനം വ്യവസ്ഥകൾ ഭേദഗതി ചെയ്യുകയും 2026-ൽ നടപ്പിലാക്കാൻ ഉദ്ദേശിച്ചിരുന്ന ഈ സാമൂഹിക ഇൻഷുറൻസ് പദ്ധതി 2027 ജൂലൈ 19-ലേക്ക് നീട്ടുകയും ചെയ്തിട്ടുണ്ട്.
ഇത്തരത്തിൽ ഇൻഷുർ ചെയ്യപ്പെടുന്ന പ്രവാസി തൊഴിലാളിയുടെ അടിസ്ഥാനവേതനത്തിന്റെ 9 ശതമാനമാണ് ഈ സേവിങ്സ് സംവിധാനത്തിലേക്ക് നീക്കിവെക്കാൻ ഉദ്ദേശിക്കുന്നത്.
