ഒമാനിലെ സർക്കാർ മേഖലയിലെയും, സ്വകാര്യ മേഖലയിലെയും സ്ഥാപനങ്ങളുടെ ഈ വർഷത്തെ ഈദ് അവധി ദിവസങ്ങൾ പ്രഖ്യാപിച്ചു. മെയ് 23 ശനിയാഴ്ച്ച (റമദാൻ 29 ) മുതലാണ് അവധി ദിനങ്ങൾ ആരംഭിക്കുന്നത്.
മെയ് 24, ഞായറാഴ്ച്ച ചെറിയ പെരുന്നാൾ വരുന്ന സാഹചര്യത്തിൽ മെയ് 26, ചൊവ്വാഴ്ച്ച വരെ 2020-ലെ ഈദ് അവധി ദിവസങ്ങളായി കണക്കാക്കുന്നതാണ്. മെയ് 27, ബുധനാഴ്ച്ച മുതൽ പ്രവർത്തിദിനങ്ങൾ ആരംഭിക്കും. മെയ് 25, തിങ്കളാഴ്ചയാണ് ചെറിയ പെരുന്നാളെങ്കിൽ മെയ് 28, വ്യാഴം വരെ അവധിയായിരിക്കും. മെയ് 31, ഞായറാഴ്ചയായിരിക്കും ഈ സാഹചര്യത്തിൽ അടുത്ത ഔദ്യോഗിക പ്രവർത്തിദിനമായി കണക്കാക്കുക എന്നും അധികൃതർ വ്യക്തമാക്കി.
