അനധികൃത വഴിയോരക്കച്ചവടക്കാരെ കണ്ടെത്തുന്നതിനുള്ള പരിശോധനകൾ ഒമാൻ തൊഴിൽ മന്ത്രാലയം ശക്തമാക്കി. ഇതിന്റെ ഭാഗമായി ദോഫാർ ഗവർണറേറ്റിൽ മന്ത്രാലയം പ്രത്യേക പരിശോധനകൾ നടത്തി.
റോയൽ ഒമാൻ പോലീസുമായി ചേർന്നാണ് മന്ത്രാലയം സെൻട്രൽ സലാലയിൽ ഈ പരിശോധനകൾ നടത്തിയത്. ഇതിന്റെ ഭാഗമായി അനധികൃത വഴിയോരക്കച്ചവടങ്ങളിൽ ഏർപ്പെടുന്നതായി കണ്ടെത്തിയ 150 വിദേശികളെ അധികൃതർ അറസ്റ്റ് ചെയ്തിട്ടുണ്ട്.
അറസ്റ്റിലായവർക്കെതിരെ നിയമനടപടികൾ നടന്നു വരുന്നതായി അധികൃതർ വ്യക്തമാക്കിയിട്ടുണ്ട്.
