സന്ദർശകർക്കും, വിനോദസഞ്ചാരികൾക്കും ഹെൽത്ത് ഇൻഷുറൻസ് പാക്കേജുകൾ ഏർപ്പെടുത്തുന്നതിനുള്ള നിർദ്ദേശത്തിന് ഖത്തർ ക്യാബിനറ്റ് അംഗീകാരം നൽകി. ഖത്തർ ആരോഗ്യ മന്ത്രാലയമാണ് ഇത്തരം ഒരു നിർദ്ദേശം മുന്നോട്ട് വെച്ചത്.
2022 ജൂൺ 1-ന് ഖത്തർ പ്രധാന മന്ത്രി H.E. ഷെയ്ഖ് ഖാലിദ് ബിൻ ഖലീഫ ബിൻ അബ്ദുൽ അസീസ് അൽ താനിയുടെ നേതൃത്വത്തിൽ ചേർന്ന ക്യാബിനറ്റ് യോഗത്തിലാണ് ഈ തീരുമാനം. ഖത്തർ ന്യൂസ് ഏജൻസിയാണ് ഇക്കാര്യം റിപ്പോർട്ട് ചെയ്തത്.
രാജ്യത്തെ ആരോഗ്യപരിചരണ സേവനങ്ങൾ നിയന്ത്രിക്കുന്നതിനുള്ള 2021/22 എന്ന നിയമത്തിലെ വ്യവസ്ഥകൾ പ്രകാരമായിരിക്കും ഈ തീരുമാനം നടപ്പിലാക്കുന്നത്.
