യു എ ഇയിലേക്ക് പ്രവേശിക്കുന്നതിന് ICA അനുവാദം ആവശ്യമില്ല; COVID-19 PCR നെഗറ്റീവ് ഫലം നിർബന്ധം

റെസിഡന്റ് വിസകളിലുള്ളവരുടെ യു എ ഇയിലേക്കുള്ള മടങ്ങിവരവുമായി ബന്ധപ്പെട്ട രണ്ടാം ഘട്ട നിർദ്ദേശങ്ങൾക്ക് അംഗീകാരം നൽകിയതായി നാഷണൽ അതോറിറ്റി ഫോർ എമർജൻസി ആൻഡ് ക്രൈസിസ് മാനേജ്‌മന്റ് (NCEMA), ഫെഡറൽ അതോറിറ്റി ഫോർ ഐഡന്റിറ്റി ആൻഡ് സിറ്റിസൺഷിപ്പ് (ICA) എന്നിവർ സംയുക്തമായി അറിയിച്ചു. യു എ ഇയിലേക്ക് പ്രവേശിക്കുന്നതിന് ആവശ്യമായിരുന്ന ICA അംഗീകാരം നേടുന്നതിനുള്ള കാത്തിരിപ്പ് ഒഴിവാക്കുന്നതിനായി, ഇതിനുള്ള രജിസ്‌ട്രേഷൻ സംവിധാനം നിർത്തലാക്കാനും അധികൃതർ തീരുമാനിച്ചിട്ടുണ്ട്. രാജ്യത്തേക്ക് മടങ്ങിയെത്താൻ ആഗ്രഹിക്കുന്നവർക്ക് സ്വയമേവ അംഗീകാരം നൽകുന്നതിനുള്ള നടപടികൾ എടുത്തതായും ICA അറിയിപ്പിൽ പറയുന്നുണ്ട്.

دعماً لتسهيل الإجراءات، بادرت #الهيئة_الاتحادية_للهوية_والجنسية بتطوير الإجراءات الحالية عبر الاستعاضة عن التسجيل وانتظار الحصول على الموافقة، بإجراء منح الموافقة المسبقة تلقائياً دون الحاجة إلى تقديم طلب والبدء في إجراءات رحلة العودة.

— Identity, Citizenship, Customs & Port Security UAE (@UAEICP) August 12, 2020

#NCEMA and the @ICAUAE approved the second phase for the return of residents, starting from 12/08/2020, aligned with end of the summer vacation for educational establishments and the continued return of shopping centers and services.

— NCEMA UAE (@NCEMAUAE) August 12, 2020

രാജ്യത്തെ വേനൽക്കാല അവധി ദിനങ്ങൾ അവസാനിക്കാറായതും, പുതിയ അധ്യയന വർഷം ആരംഭിക്കുന്നതും, വാണിജ്യ പ്രവർത്തനങ്ങളും മറ്റും സാധാരണ നിലയിലേക്ക് മടങ്ങിയതും കണക്കിലെടുത്താണ് ഈ തീരുമാനം. ഓഗസ്റ്റ് 12, 2020 മുതൽ ഈ തീരുമാനം നടപ്പിലാവുന്നതാണ്. മടങ്ങിയെത്താൻ ആഗ്രഹിക്കുന്ന റെസിഡന്റ് വിസകളിലുള്ളവർക്ക് https://smartservices.ica.gov.ae/echannels/web/client/guest/index.html#/residents-entry-confirmation എന്ന വിലാസത്തിലൂടെ ഐഡി നമ്പർ, പാസ്സ്‌പോർട്ട് നമ്പർ, പൗരത്വം മുതലായ സ്വകാര്യ വിവരങ്ങൾ നൽകാവുന്നതാണ്.

ഇത്തരത്തിൽ യാത്ര ചെയ്യുന്നവർക്ക്, യാത്രയ്ക്ക് മുൻപായി, യു എ ഇ അംഗീകൃത COVID-19 ടെസ്റ്റിംഗ് ലാബുകളിൽ നിന്നോ, അവ ഇല്ലാത്ത ഇടങ്ങളിൽ അതാത് രാജ്യങ്ങളുടെ സർക്കാർ അംഗീകൃത ലാബുകളിൽ നിന്നോ, 96 മണിക്കൂറിനുള്ളിൽ ലഭിച്ച PCR നെഗറ്റീവ് പരിശോധനാ ഫലങ്ങൾ നിർബന്ധമാണ്. കൊറോണാ വൈറസ് ബാധിതനല്ല എന്ന് തെളിയിക്കുന്ന ഈ രേഖ വിമാനകമ്പനികൾക്ക് നൽകേണ്ടതാണ്.

യു എ ഇയ്ക്ക് പുറത്തു നിന്നുള്ള റസിഡന്റ് വിസകളിലുള്ളവർക്ക് മടങ്ങിയെത്തുന്നതിനുള്ള നിർദ്ദേശങ്ങൾ:

Procedures for residents' arrival to the UAE
____
#ICA #IdentityandCitizenship #UAE #COVID19 pic.twitter.com/vCzcy1Bksw

— Identity, Citizenship, Customs & Port Security UAE (@UAEICP) August 12, 2020

• https://smartservices.ica.gov.ae/echannels/web/client/guest/index.html#/residents-entry-confirmation എന്ന വിലാസത്തിലൂടെ ഐഡി നമ്പർ, പാസ്സ്‌പോർട്ട് നമ്പർ, പൗരത്വം മുതലായ സ്വകാര്യ വിവരങ്ങൾ നൽകി മടങ്ങുന്നതിനുള്ള സന്നദ്ധത അറിയിക്കുക.
• യാത്രയ്ക്ക് മുൻപായി, അംഗീകൃത ലാബുകളിൽ നിന്നുള്ള 96 മണിക്കൂറിനുള്ളിൽ ലഭിച്ച PCR നെഗറ്റീവ് പരിശോധനാ ഫലം നിർബന്ധമായതിനാൽ, ഇത്തരം പരിശോധനയ്ക്ക് വിധേയരാകുക.
• ഇതിനു ശേഷം ടിക്കറ്റ് ബുക്ക് ചെയ്യുക.
• PCR നെഗറ്റീവ് പരിശോധനാ ഫലം വിമാനകമ്പനികൾക്ക് നൽകേണ്ടതാണ്.
• യു എ ഇയിൽ പ്രവേശിച്ച ശേഷം COVID-19 പരിശോധന നിർബന്ധമാണ്.
• അൽ-ഹൊസൻ ആപ്പ് നിർബന്ധമായും ഫോണിൽ ഇൻസ്റ്റാൾ ചെയ്യണം.
• യു എ ഇയിലെ ക്വാറന്റീൻ നിയമങ്ങൾ കർശനമായി പാലിക്കേണ്ടതാണ്.