രാജ്യത്തെ 12 വയസിന് താഴെ പ്രായമുള്ള കുട്ടികൾക്ക് സ്റ്റേഡിയങ്ങളിലും, കളിസ്ഥലങ്ങളിലും പ്രവേശിക്കാൻ അനുമതി നൽകിയതായി സൗദി കായിക മന്ത്രാലയം അറിയിച്ചു. ഒക്ടോബർ 27-നാണ് മന്ത്രാലയം ഇക്കാര്യം അറിയിച്ചത്.
ഏതാനം നിബന്ധനകൾക്ക് വിധേയമായാണ് ഈ അനുമതി നൽകിയിരിക്കുന്നത്. വാക്സിനേഷൻ നടപടികൾ പൂർത്തിയാക്കിയ മുതിർന്നവരോടൊപ്പം സ്റ്റേഡിയങ്ങളിലെത്തുന്ന 12 വയസിന് താഴെ പ്രായമുള്ള കുട്ടികൾക്കാണ് ഇത്തരത്തിൽ പ്രവേശിക്കാൻ അനുമതി നൽകിയിരിക്കുന്നത്.
രാജ്യത്തെ COVID-19 മുൻകരുതൽ നടപടികളുടെ ഭാഗമായാണ് ഈ തീരുമാനം. രാജ്യത്തെ ഇൻഡോർ, ഔട്ഡോർ സ്റ്റേഡിയങ്ങൾ, കായികകേന്ദ്രങ്ങൾ എന്നിവിടങ്ങളിലെത്തുന്ന മുഴുവൻ പേർക്കും മാസ്കുകൾ നിർബന്ധമാണ്. സ്റ്റേഡിയങ്ങളിലെത്തുന്നവർ മുഴുവൻ സമയവും ഇരിപ്പിടങ്ങളിൽ തുടരേണ്ടതാണെന്നും അധികൃതർ വ്യക്തമാക്കിയിട്ടുണ്ട്.
