സൗദി അറേബ്യയിൽ 2399 പേർക്ക് കൂടി കൊറോണ വൈറസ് ബാധ കണ്ടെത്തിയതായി ആരോഗ്യ മന്ത്രാലയം മെയ് 24-നു അറിയിച്ചു. ഇതോടെ സൗദിയിൽ COVID-19 ബാധിതരുടെ എണ്ണം 72560 ആയി.
ഇന്ന് രോഗബാധ കണ്ടെത്തിയവരിൽ 742 കേസുകൾ റിയാദിൽ നിന്നും, 611 കേസുകൾ മക്കയിൽ നിന്നുമാണ്. ജിദ്ദയിൽ 474 പേർക്കും, ദമ്മാമിൽ 136 പേർക്കും ഇന്ന് COVID-19 സ്ഥിരീകരിച്ചിട്ടുണ്ട്.
2284 പേരാണ് ഇന്ന് രോഗമുക്തി നേടിയത്. ഇതുവരെ 43520 പേർ സൗദിയിൽ രോഗമുക്തി നേടിയിട്ടുണ്ട്.
COVID-19 ബാധയെത്തുടർന്ന് 11 പേർ കൂടി ഇന്ന് മരിച്ചതായും മന്ത്രാലയം അറിയിച്ചിട്ടുണ്ട്. ഇതുവരെ 390 പേരാണ് സൗദിയിൽ കൊറോണ വൈറസ് ബാധയെത്തുടർന്ന് മരിച്ചത്.
