പുതിയ വിസകളിലുള്ള യാത്രികർ ഉൾപ്പടെ രാജ്യത്തേക്ക് പ്രവേശിക്കുന്ന മുഴുവൻ യാത്രികരോടും COVID-19 വാക്സിനേഷൻ സ്റ്റാറ്റസ് ഓൺലൈൻ സംവിധാനങ്ങളിലൂടെ രജിസ്റ്റർ ചെയ്യാൻ സൗദി ജനറൽ ഡയറക്ടറേറ്റ് ഓഫ് പാസ്സ്പോർട്സ് (ജവാസത്) ആവശ്യപ്പെട്ടു. ജി സി സി പൗരന്മാർ, എല്ലാത്തരം പുതിയ വിസകളിലുമെത്തുന്ന യാത്രികർ എന്നിവർ ഉൾപ്പടെ മുഴുവൻ യാത്രികരോടും സൗദിയിൽ പ്രവേശിക്കുന്നതിന് മുൻപായി തങ്ങളുടെ വാക്സിനേഷൻ സ്റ്റാറ്റസ് തെളിയിക്കുന്നതിനായുള്ള വിവരങ്ങൾ ഓൺലൈനിലൂടെ നൽകുന്നതിനാണ് ജവാസത് ആഹ്വാനം ചെയ്തിരിക്കുന്നത്.
https://muqeem.sa/#/vaccine-registration/home എന്ന വിലാസത്തിൽ ഈ നടപടികൾ പൂർത്തിയാക്കാവുന്നതാണ്. ഓൺലൈനിലൂടെ ഈ രജിസ്‌ട്രേഷൻ പൂർത്തിയാക്കുന്നത് രാജ്യത്തേക്ക് പ്രവേശിക്കുന്ന വേളയിൽ നടപടികൾ വേഗത്തിലാക്കുന്നതിന് സഹായിക്കുമെന്ന് അധികൃതർ വ്യക്തമാക്കി. ഈ നടപടി രാജ്യത്തേക്ക് പ്രവേശിക്കുന്ന കവാടങ്ങളിൽ കാത്ത് നിൽക്കുന്ന അവസ്ഥ ഒഴിവാക്കുന്നതിന് സഹായിക്കുമെന്നും അധികൃതർ കൂട്ടിച്ചേർത്തു.
