ഹിജ്‌റ പുതുവർഷവുമായി ബന്ധപ്പെട്ട്, തങ്ങളുടെ കീഴിലുള്ള ആരോഗ്യ സേവനകേന്ദ്രങ്ങളുടെ 2021 ഓഗസ്റ്റ് 12, വ്യാഴാഴ്ച്ചത്തെ പ്രവർത്തന സമയക്രമം സംബന്ധിച്ച് അബുദാബി ഹെൽത്ത് സർവീസസ് കമ്പനി (SEHA) അറിയിപ്പ് പുറത്തിറക്കി.
അബുദാബി, അൽ ഐൻ, നോർത്തേൺ എമിറേറ്റ്സ് എന്നിവിടങ്ങളിലെ SEHA COVID-19 ഡ്രൈവ്-ത്രൂ സേവന കേന്ദ്രങ്ങൾ വ്യാഴാഴ്ച്ച രാവിലെ 10:00 മുതൽ രാത്രി 8:00 വരെ പ്രവർത്തിക്കുന്നതാണ്. അബുദാബിയിലെ സായിദ് പോർട്ട്, ദുബായ് പാർക്ക്സ് ആൻഡ് റിസോർട്ട്സ്, അൽ ഐൻ കൺവെൻഷൻ സെന്റർ, അൽ ദഫ്ര മേഖലയിലെ മദീനത്ത് സായിദ് വെഡ്ഡിംഗ് ഹാൾ എന്നിവിടങ്ങളിലെ SEHA COVID-19 വാക്സിനേഷൻ സെന്ററുകൾ രാവിലെ 10:00 മുതൽ രാത്രി 10:00 വരെ പ്രവർത്തിക്കും.
അബുദാബി നാഷണൽ എക്സിബിഷൻ സെന്റർ (ADNEC), അൽ മഫ്രാഖ് ഹോസ്പിറ്റൽ, സായിദ് പോർട്ട്, അൽ ഐൻ കൺവെൻഷൻ സെന്റർ, മദീനത്ത് സായിദ് വെഡ്ഡിംഗ് ഹാൾ എന്നിവിടങ്ങളിലെ COVID-19 പ്രൈം അസസ്മെന്റ് സെന്ററുകൾ രാവിലെ 8:00 മുതൽ രാത്രി 10:00 വരെ പതിവുപോലെ പ്രവർത്തിക്കും. അബുദാബിയിലെ അൽ മൻഹൽ, അൽ മുഷ്രിഫ്, അൽ ബതീൻ, അൽ ഐനിലെ ഫലാജ് ഹസ എന്നിവ ഓഗസ്റ്റ് 12-ന് പ്രവർത്തിക്കുന്നതല്ല. എന്നാൽ അൽ ഐനിലെ മജ്ലിസ് അൽ ക്യൂ രാവിലെ 9:00 മുതൽ വൈകീട്ട് 5:00 വരെ പ്രവർത്തനം തുടരും.
എല്ലാ ആശുപത്രികളിലെയും അത്യാഹിത വിഭാഗങ്ങൾ മുഴുവൻ സമയവും അടിയന്തര പരിചരണം നൽകുന്നത് തുടരുമെന്നും, എന്നാൽ ക്ലിനിക്കുകൾ വ്യാഴാഴ്ച്ച അടച്ചിടുമെന്നും SEHA വ്യക്തമാക്കി. SEHA ആശുപത്രികളിൽ പതിവ് സന്ദർശന സമയങ്ങളായ രാവിലെ 9:00 മുതൽ 12:00 വരെയും വൈകീട്ട് 4:00 മുതൽ 8:00 വരെയും സന്ദർശകരെ സ്വീകരിക്കുന്നതാണ്. ഐസിയു രോഗിയുടെ സന്ദർശനത്തെ സംബന്ധിച്ചിടത്തോളം, രാവിലെ 10:00 മുതൽ 7:00 വരെ മാതാപിതാക്കൾക്ക് മാത്രമേ സന്ദർശനം അനുവദിക്കൂ.
അബുദാബി ബ്ലഡ് ബാങ്ക് രാവിലെ 7:00 മുതൽ രാത്രി 10:00 വരെ പ്രവർത്തിക്കും, അൽ ഐൻ, അൽ ദഫ്ര ബ്ലഡ് ബാങ്കുകൾ പ്രവർത്തിക്കില്ല.
WAM
