അൽ ദഫ്റ മേഖലയിലെ ഷെയ്ഖ സലാമ ബിൻത് ബുത്തി റോഡിൽ (E45) 2025 നവംബർ 30 വരെ താത്കാലിക ഗതാഗത നിയന്ത്രണം ഏർപ്പെടുത്തുന്നതായി അബുദാബി മൊബിലിറ്റി അറിയിച്ചു. 2025 നവംബർ 18-നാണ് അബുദാബി മൊബിലിറ്റി ഇത് സംബന്ധിച്ച അറിയിപ്പ് നൽകിയത്.
അൽ ദഫ്റ മേഖലയിലെ മദിനത് സായിദിൽ ഷെയ്ഖ സലാമ ബിൻത് ബുത്തി റോഡിലെ ഇന്റർസെക്ഷനുകളാണ് ഈ ഗതാഗത നിയന്ത്രണത്തിന്റെ ഭാഗമായി അടച്ചിടുന്നത്. 2025 നവംബർ 19, ബുധനാഴ്ച അർദ്ധരാത്രി മുതൽ 2025 നവംബർ 30, ഞായറാഴ്ച രാവിലെ 5 മണിവരെയാണ് ഈ നിയന്ത്രണം ഏർപ്പെടുത്തുന്നത്.
ഈ റോഡിലെ അറ്റകുറ്റപ്പണികൾ തീർക്കുന്നതിനായാണിത്. ഡ്രൈവർമാർ ഈ കാലയളവിൽ മേഖലയിൽ നൽകിയിട്ടുള്ള ട്രാഫിക് നിർദ്ദേശങ്ങൾ കൃത്യമായി പാലിക്കാനും, യാത്രയ്ക്കായി മറ്റു റോഡുകൾ ഉപയോഗപ്പെടുത്താനും അബുദാബി മൊബിലിറ്റി ആവശ്യപ്പെട്ടിട്ടുണ്ട്.
