യു എ ഇയിൽ കൊറോണാ വൈറസ് ബാധയെത്തുടർന്ന് ചികിത്സയിലിരുന്ന 5 പേർ കൂടി മരിച്ചതായി ആരോഗ്യ മന്ത്രാലയം ഏപ്രിൽ 15, ബുധനാഴ്ച്ച അറിയിച്ചു. മരിച്ചവരിൽ 3 പേർ ഏഷ്യൻ വംശജരാണ്. ഇതോടെ രാജ്യത്ത് കൊറോണാ വൈറസ് ബാധയെത്തുടർന്നുള്ള ആകെ മരണസംഖ്യ 33 ആയി.
പുതിയതായി 432 പേർക്ക് കൂടി COVID-19 കണ്ടെത്തിയതായും മന്ത്രാലയം അറിയിച്ചിട്ടുണ്ട്. ഇതോടെ യു എ ഇയിൽ ആകെ രോഗബാധിതരുടെ എണ്ണം 5365 ആയി. 101 പേർ കൂടി രോഗമുക്തി നേടിയതോടെ രാജ്യത്ത് രോഗം ഭേദമായവരുടെ എണ്ണം 1034 ആയി.
