2023 ജൂൺ മാസത്തിലെ ഇന്ധന വില സംബന്ധിച്ച് യു എ ഇ ഫ്യുവൽ പ്രൈസ് ഫോളോ-അപ്പ് കമ്മിറ്റി ഔദ്യോഗിക പ്രഖ്യാപനം നടത്തി. 2023 മെയ് 31-നാണ് കമ്മിറ്റി ഇത് സംബന്ധിച്ച അറിയിപ്പ് നൽകിയത്.
ഈ അറിയിപ്പ് പ്രകാരം പെട്രോൾ, ഡീസൽ വിലയിൽ 2023 മെയ് മാസത്തെ അപേക്ഷിച്ച് കുറവ് രേഖപ്പെടുത്തിയിട്ടുണ്ട്.
2023 ജൂൺ മാസത്തെ യു എ ഇയിലെ ഇന്ധന വില:
- സൂപ്പർ 98 – ലിറ്ററിന് 2.95 ദിർഹം. (2023 മെയ് മാസത്തിൽ ലിറ്ററിന് 3.16 ദിർഹം ആയിരുന്നു)
- സ്പെഷ്യൽ 95 – ലിറ്ററിന് 2.84 ദിർഹം. (2023 മെയ് മാസത്തിൽ ലിറ്ററിന് 3.05 ദിർഹം ആയിരുന്നു)
- ഇ-പ്ലസ് 91 – ലിറ്ററിന് 2.76 ദിർഹം. (2023 മെയ് മാസത്തിൽ ലിറ്ററിന് 2.97 ദിർഹം ആയിരുന്നു)
- ഡീസൽ – ലിറ്ററിന് 2.68 ദിർഹം. (2023 മെയ് മാസത്തിൽ ലിറ്ററിന് 2.91 ദിർഹം ആയിരുന്നു)
2023 ജൂൺ 1 മുതൽ ഈ പുതുക്കിയ ഇന്ധന വില പ്രാബല്യത്തിൽ വരുന്നതാണ്.
