ഇത്തവണത്തെ റമദാനിൽ രാജ്യത്തിന്റെ വിവിധ ഇടങ്ങളിൽ നോമ്പ് തുറ അറിയിച്ച് കൊണ്ട് മുഴങ്ങുന്ന പീരങ്കികൾ ഏർപ്പെടുത്തുമെന്ന് യു എ ഇ പ്രതിരോധ മന്ത്രാലയം അറിയിച്ചു. എമിറേറ്റ്സ് ന്യൂസ് ഏജൻസിയാണ് ഇക്കാര്യം റിപ്പോർട്ട് ചെയ്തത്.
ഈ വർഷത്തെ റമദാനിൽ അബുദാബി, അൽ ഐൻ, അൽ ദഫ്‌റ, റാസ് അൽ ഖൈമ, ഉം അൽ കുവൈൻ തുടങ്ങി വിവിധ ഇടങ്ങളിൽ നോമ്പ് തുറ അറിയിച്ച് കൊണ്ട് ഇത്തരം പീരങ്കികൾ മുഴങ്ങുന്നതാണ്. ഇത്തരം പീരങ്കികൾ ഒരുക്കിയിട്ടുള്ള ഇടങ്ങൾ സംബന്ധിച്ച് യു എ ഇ പ്രതിരോധ മന്ത്രാലയം അറിയിപ്പ് നൽകിയിട്ടുണ്ട്:
അബുദാബിയിൽ:
- ഷെയ്ഖ് സായിദ് ഗ്രാൻഡ് മോസ്‌ക്.
- ഖസ്ർ അൽ ഹൊസൻ.
- അൽ മുഷിരിഫിലെ ഉം അൽ എമറാത് പാർക്ക്.
- അൽ ഷഹാമ സിറ്റി.
അൽ ഐനിൽ:
- അൽ ഐൻ വെഡിങ്ങ് ഹാളിന് അരികിലെ സഖേർ ഏരിയയിൽ.
- അൽ ജാഹിലി ഫോർട്ട്.
അൽ ദഫ്‌റ നഗരത്തിൽ:
- ADNOC പാർക്ക്.
ഇതിന് പുറമെ റാസ് അൽ ഖൈമയിലെ അൽ ഖവാസിം കോർണിഷിൽ ഫ്ലാഗ്പോളിന് അരികിലും, ഉം അൽ കുവൈനിൽ ഷെയ്ഖ് സായിദ് പള്ളിയിലും ഇത്തരം പീരങ്കികൾ ഒരുക്കുന്നതാണ്.
നോമ്പ് തുറ അറിയിച്ച് കൊണ്ട് മുഴങ്ങുന്ന പീരങ്കികൾ യു എ ഇയിലെ പരമ്പരാഗത രീതികളിലൊന്നാണ്.
WAM
