അൽ വഹ്ദ എഫ് സിയും, ഷാർജ എഫ് സിയും തമ്മിൽ നടക്കാനിരുന്ന യു എ ഇ പ്രസിഡന്റ്സ് കപ്പ് ഫൈനൽ മത്സരം അടുത്ത ഫുട്ബോൾ സീസണിലേക്ക് മാറ്റിവെക്കാൻ തീരുമാനിച്ചു. 2022 മെയ് 17-ന് രാത്രിയാണ് യു എ ഇ ഫുട്ബോൾ അസോസിയേഷൻ ഇക്കാര്യം അറിയിച്ചത്.
ഹസ്സ ബിൻ സായിദ് സ്റ്റേഡിയത്തിൽ മെയ് 27-ന് നടക്കാനിരുന്ന ഫൈനൽ മത്സരമാണ് മാറ്റിവെച്ചത്. ഈ മത്സരത്തിന്റെ പുതുക്കിയ തീയതിയും, വേദിയും പിന്നീട് അറിയിക്കുന്നതാണെന്ന് എമിറേറ്റ്സ് ന്യൂസ് ഏജൻസി റിപ്പോർട്ട് ചെയ്തിട്ടുണ്ട്.
അതേസമയം, ADNOC പ്രൊ ലീഗ് ഫൈനൽ റൗണ്ട് മത്സരങ്ങൾ മെയ് 25, 26 തീയതികളിൽ നടത്തുന്ന രീതിയിൽ പുനഃക്രമീകരിച്ചതായി യു എ ഇ പ്രൊ ലീഗ് അറിയിച്ചിട്ടുണ്ട്. ഈ മത്സരങ്ങൾ മെയ് 28, 29 തീയതികളിൽ നടത്താനിരുന്നതാണ്.
WAM
