നോർത്ത് അൽ ബതീന ഗവർണറേറ്റിൽ നിന്ന് 4000 വർഷം പഴക്കമുള്ള പുരാവസ്തു അവശേഷിപ്പുകൾ കണ്ടെത്തിയതായി ഒമാൻ അധികൃതർ അറിയിച്ചു.
#اكتشاف |
— جامعة السلطان قابوس (@sultanqaboosuni) April 29, 2025
بصدى النحاس العتيق: اكتشاف موسيقي أثري يهز صمت 4 آلاف عام✨️
التفاصيل📚https://t.co/5xyiInCPqd pic.twitter.com/fLjJFficoT
ഒമാൻ മിനിസ്ട്രി ഓഫ് ഹെറിറ്റേജ് ആൻഡ് ടൂറിസത്തിന്റെ നേതൃത്വത്തിൽ സുൽത്താൻ ഖാബൂസ് യൂണിവേഴ്സിറ്റിയിൽ നിന്നുള്ള ഗവേഷകരുടെ സംഘം നടത്തിയ ഉദ്ഘനന പ്രവർത്തനങ്ങളുടെ ഭാഗമായാണ് ഈ കണ്ടെത്തൽ.
ഈ ഉദ്ഘനന പ്രവർത്തനങ്ങളുടെ ഭാഗമായി ഒരു ജോഡി പ്രാചീന ചെമ്പ് കൈമണികൾ കണ്ടെത്തിയിട്ടുണ്ട്. നോർത്ത് അൽ ബതീന ഗവർണറേറ്റിലെ സഹം വിലായത്തിൽ പെടുന്ന ദഹ്വ 7 ആർക്കിയോളജിക്കൽ സൈറ്റിൽ നിന്നാണ് ഈ കണ്ടെത്തൽ.
അറേബ്യൻ ഉപദ്വീപ് പ്രദേശങ്ങൾ നിന്ന് കണ്ടെത്തുന്ന ഏറ്റവും പഴക്കം ചെന്ന സംഗീത ഉപകരണങ്ങളിലൊന്നാണ് നോർത്ത് അൽ ബതീനയിൽ നിന്ന് ഖനനം ചെയ്തെടുത്തിരിക്കുന്നത്.
ബി സി 2700-നും 2000-ത്തിനും ഇടയിൽ നിലനിന്നിരുന്ന ഒരു സമ്പന്നമായ നാഗരികതയിലേക്കാണ് ഈ കണ്ടെത്തൽ വെളിച്ചം വീശുന്നത്. ഈ ചെമ്പ് കൈമണികൾ ഈ മേഖലയിലെ ആദിമ നിവാസികളുടെ സാംസ്കാരിക, മതപരമായ ജീവിതശൈലികളിലേക്ക് ദർശനം നൽകുന്നു.
Cover Image: Oman News Agency.
