അൽ ഐനിലെ സൂഖ് അൽ ഖട്ടാരയിൽ വെച്ച് നടക്കുന്ന എട്ടാമത് പരമ്പരാഗത കരകൗശല മേള 2022 നവംബർ 1 മുതൽ ആരംഭിക്കുമെന്ന് അബുദാബി മീഡിയ ഓഫീസ് അറിയിച്ചു. അബുദാബി ഡിപ്പാർട്മെന്റ് ഓഫ് കൾച്ചർ ആൻഡ് ടൂറിസമാണ് ഈ മേള സംഘടിപ്പിക്കുന്നത്.
അബുദാബി ഭരണാധികാരിയുടെ അൽ ഐനിലെ പ്രതിനിധി തഹ്നൂൻ ബിൻ മുഹമ്മദിന്റെ നേതൃത്വത്തിൽ സംഘടിപ്പിക്കുന്ന ട്രഡീഷണൽ ഹാന്റിക്രാഫ്റ്റ്‌സ് ഫെസ്റ്റിവൽ 2022 നവംബർ 1 മുതൽ 20 വരെ നീണ്ട് നിൽക്കുന്നതാണ്. ഈ മേളയുടെ ഭാഗമായി എമിറാത്തി പാരമ്പര്യം എടുത്ത് കാട്ടുന്ന സാംസ്‌കാരിക പരിപാടികൾ അരങ്ങേറുന്നതാണ്.
പരമ്പരാഗത എമിറാത്തി കരകൗശലവിദ്യയുടെ ചരിത്രം, എമിറാത്തി സംസ്‌കാരത്തിൽ അവയ്ക്കുള്ള പ്രാധാന്യം എന്നിവ സന്ദർശകർക്ക് മുൻപിൽ അവതരിപ്പിക്കുന്ന രീതിയിലാണ് ഈ മേള ഒരുക്കുന്നത്. എമിറാത്തി നാടൻ കലാരൂപങ്ങൾ, സംഗീത പരിപാടികൾ, പരമ്പരാഗത ഭക്ഷ്യവിഭവങ്ങൾ മുതലായവയും ഈ മേളയിലെത്തുന്നവർക്ക് ആസ്വദിക്കാവുന്നതാണ്.
Cover Image: WAM.
