സിന്യാറിലൂടെയുള്ള പൊതുഗതാഗത ബസ് സർവീസുകളിലെ സമയക്രമങ്ങളിൽ താത്കാലികമായി വരുത്തിയ മാറ്റങ്ങൾ നവംബർ 29, ഞായറാഴ്ച്ച മുതൽ ഒഴിവാക്കുമെന്നും, സർവീസുകൾ സാധാരണ സമയക്രമത്തിലേക്ക് മടങ്ങുമെന്നും മുവാസലാത്ത് അറിയിച്ചു. നവംബർ 22 മുതൽ 2020 നവംബർ 28 വരെ റൂട്ട് 51-ലെ (മസ്‌കറ്റ് – ഷന്ന) സർവീസുകളുടെ സമയക്രമങ്ങളിൽ മുവാസലാത്ത് മാറ്റങ്ങൾ വരുത്തിയിരുന്നു.
ഈ പുതിയ അറിയിപ്പോടെ നവംബർ 29 മുതൽ മസ്‌കറ്റ് – ഷന്ന റൂട്ടിലെ പൊതു ഗതാഗത ബസുകൾ അവയുടെ സാധാരണ സമയക്രമങ്ങളിൽ സർവീസുകൾ നടത്തുന്നതാണ്. https://mwasalat.om/en-us/Services/Intercity-Outside-Muscat എന്ന വിലാസത്തിൽ ഈ ബസ് സർവീസുകൾ സംബന്ധിച്ച വിവരങ്ങൾ ലഭ്യമാണ്.
