അൽ ഐനിലെ അൽ ജാഹിലി പാർക്കിൽ വെച്ച് സംഘടിപ്പിക്കുന്ന DAZ ഫെസ്റ്റിവൽ 2023 ഫെബ്രുവരി 10 മുതൽ ആരംഭിക്കും. 2023 ഫെബ്രുവരി 7-നാണ് അബുദാബി മീഡിയ ഓഫീസ് ഇക്കാര്യം അറിയിച്ചത്.
അബുദാബി ഡിപ്പാർട്മെന്റ് ഓഫ് കൾച്ചർ ആൻഡ് ടൂറിസം സംഘടിപ്പിക്കുന്ന ഈ മേള 2023 ഫെബ്രുവരി 10 മുതൽ 19 വരെ നീണ്ട് നിൽക്കും. പ്രകൃതിയിലെ കാഴ്ച്ചകളിൽ നിന്ന് പ്രചോദനം ഉൾക്കൊണ്ട് ഒരുക്കുന്ന ഈ മേളയുടെ ഭാഗമായി കുടുംബാംഗങ്ങൾക്ക് ഒത്തൊരുമിച്ച് ആസ്വദിക്കാവുന്ന പരിപാടികൾ, കുട്ടികളുടെ കളിയിടങ്ങൾ, കലാദൃശ്യങ്ങൾ, തത്സമയമുള്ള സംഗീത പരിപാടികൾ, റൈഡുകൾ, രുചിയനുഭവങ്ങൾ എന്നിവ ഉണ്ടായിരിക്കുന്നതാണ്.
ദാർ അൽ സെയ്ൻ ഫെസ്റ്റിവൽ എന്ന പേരിലാണ് ഈ മേള മുൻപ് അറിയപ്പെട്ടിരുന്നത്. നിവാസികൾക്കും, സന്ദർശകർക്കും ഒരു പോലെ ആസ്വദിക്കാവുന്ന അനുഭവങ്ങളുമായാണ് DAZ ഫെസ്റ്റിവൽ ഒരുങ്ങുന്നത്.
DAZ ഫെസ്റ്റിവൽ സംബന്ധിച്ച കൂടുതൽ വിവരങ്ങൾ https://www.dazfestival.ae/ എന്ന വിലാസത്തിൽ ലഭ്യമാണ്. അൽ ജാഹിലി കോട്ടയുടെ പശ്ചാത്തലത്തിൽ ഒരുക്കുന്ന ഈ വസന്തകാല ഉത്സവം സന്ദർശകർക്ക് പരമ്പരാഗത കാഴ്‌ചച്ചന്തകളുടെ അനുഭവങ്ങൾ നൽകുന്നു.
മേളയിലേക്കുള്ള ടിക്കറ്റുകൾ https://www.ticketmaster.ae/artist/daz-festival-tickets/1162663 എന്ന വിലാസത്തിൽ ലഭ്യമാണ്. ടിക്കറ്റുകൾ ഓൺലൈനിൽ 25 ദിർഹത്തിനും, മേളയുടെ വേദിയിൽ നിന്ന് 30 ദിർഹത്തിനും ലഭ്യമാണ്.
Cover Image: Abu Dhabi Media Office.
