2023 ഫെബ്രുവരി 22-ന് രാജ്യത്തിന്റെ സ്ഥാപക ദിനം ആഘോഷിക്കുന്ന സൗദി രാജാവ് H.R.H. സൽമാൻ ബിൻ അബ്ദുൽഅസീസ് അൽ സൗദിന് യു എ ഇ പ്രസിഡന്റ് H.H. ഷെയ്ഖ് മുഹമ്മദ് ബിൻ സായിദ് അൽ നഹ്യാൻ അഭിനന്ദന സന്ദേശം അയച്ചു.
ഈ അവസരത്തിൽ യു എ ഇ വൈസ് പ്രസിഡന്റും, പ്രധാനമന്ത്രിയും, ദുബായ് ഭരണാധികാരിയുമായ H.H. ഷെയ്ഖ് മുഹമ്മദ് ബിൻ റാഷിദ് അൽ മക്തൂം സൽമാൻ രാജാവിന് സമാനമായ അഭിനന്ദന സന്ദേശം അയച്ചിട്ടുണ്ട്.
ഷെയ്ഖ് മുഹമ്മദ് ബിൻ സായിദ്, ഷെയ്ഖ് മുഹമ്മദ് ബിൻ റാഷിദ് എന്നിവർ സൗദി കിരീടാവകാശിയും, പ്രധാനമന്ത്രിയുമായ മുഹമ്മദ് ബിൻ സൽമാൻ ബിൻ അബ്ദുൽ അസീസ് രാജകുമാരനും പ്രസ്തുത അവസരത്തിൽ അഭിനന്ദന സന്ദേശം അയച്ചു.
സൗദി അറേബ്യയുടെ സ്ഥാപക ദിനാഘോഷങ്ങളിൽ പങ്കെടുത്ത് കൊണ്ട് അബുദാബിയിലെ വിവിധ കെട്ടിടങ്ങൾ സൗദി ദേശീയ പതാകയുടെ നിറങ്ങളണിഞ്ഞു.
എല്ലാ വർഷവും ഫെബ്രുവരി 22 രാജ്യത്തിന്റെ സ്ഥാപക ദിനമായി ആചരിക്കാൻ തീരുമാനിച്ച് കൊണ്ട് സൗദി ഭരണാധികാരി 2022 ജനുവരി 27-ന് ഒരു ഉത്തരവ് പുറത്തിറക്കിയിരുന്നു.
WAM
