ഓഗസ്റ്റ് 28-ന് ആചരിച്ച എമിറാത്തി വനിതാ ദിനത്തിന്റെ ഭാഗമായി എമിറേറ്റ്സ് പോസ്റ്റ് ഗ്രൂപ്പ് ഒരു പ്രത്യേക സ്മാരക സ്റ്റാമ്പ് പുറത്തിറക്കി. എമിറാത്തി സംസ്കാരത്തിന്റെ നെടുംതൂണുകളായ സ്ത്രീ ശാക്തീകരണം, തലമുറകൾ തമ്മിലുള്ള ബന്ധങ്ങളുടെ നിലനിർത്തൽ എന്നീ പ്രമേയങ്ങൾ ഉൾക്കൊള്ളുന്നതാണ് ഈ സ്റ്റാമ്പ്.
ജനറൽ വിമൻസ് യൂണിയനുമായി ചേർന്നാണ് എമിറേറ്റ്സ് പോസ്റ്റ് ഗ്രൂപ്പ് ഈ പ്രത്യേക സ്മാരക സ്റ്റാമ്പ് പുറത്തിറക്കിയിരിക്കുന്നത്. 2023-ലെ എമിറാത്തി വനിതാ ദിനത്തിന്റെ പ്രമേയമായ ‘നാളേക്കായി നമ്മൾ ഒത്ത്‌ ചേരുന്നു’ എന്ന ആശയം ഈ സ്റ്റാമ്പിൽ ഉൾക്കൊള്ളിച്ചിരിക്കുന്നു.
യു എ ഇ എന്ന രാജ്യത്തിൻറെ പുരോഗതിയ്ക്കായി എമിറാത്തി സ്ത്രീകൾ നൽകിയ സംഭാവനകൾ, ത്യാഗങ്ങൾ എന്നിവയുടെ സ്മരണയുയർത്തുന്നതാണ് ഈ സ്റ്റാമ്പ്. മൂന്ന് ദിർഹം മൂല്യമുള്ള ഈ സ്റ്റാമ്പിനൊപ്പം ഒരു ഫസ്റ്റ് ഡേ കവറും (5 ദിർഹം) എമിറേറ്റ്സ് പോസ്റ്റ് പുറത്തിറക്കിയിട്ടുണ്ട്.
എമിറേറ്റ്സ് പോസ്റ്റ് ഓൺലൈൻ സ്റ്റോർ, എമിറേറ്റ്സ് പോസ്റ്റ് കസ്റ്റമർ ഹാപ്പിനസ് സെന്ററുകൾ എന്നിവിടങ്ങളിൽ നിന്ന് ഈ സ്റ്റാമ്പ് ലഭ്യമാണ്.
Cover Image: Emirates Post Group.
