സാദിയത് കൾച്ചറൽ ഡിസ്ട്രിക്ടിൽ സ്ഥിതി ചെയ്യുന്ന ‘ടീംലാബ് ഫിനോമിന’ അബുദാബി ഔദ്യോഗികമായി ഉദ്ഘാടനം ചെയ്തു. 2025 ഏപ്രിൽ 17-നാണ് ‘ടീംലാബ് ഫിനോമിന’ അബുദാബി ഔദ്യോഗികമായി ഉദ്ഘാടനം ചെയ്തത്.
خالد بن محمد بن زايد يشهد حفل افتتاح متحف "تيم لاب فينومينا أبوظبي" للفنون الرقمية في منطقة السعديات الثقافية لتعزيز الابتكار الثقافي، ودعم تبادل المعارف والخبرات الفنية، ترسيخاً لمكانة الإمارة كملتقى للتواصل الثقافي والحضاري عبر المبادرات الثقافية والفنية الرائدة عالمياً. pic.twitter.com/4Z9Rl30F7S
— مكتب أبوظبي الإعلامي (@ADMediaOffice) April 17, 2025
അബുദാബി കിരീടാവകാശിയും, അബുദാബി എക്സിക്യൂട്ടീവ് കൗൺസിൽ ചെയർമാനുമായ H.H. ഷെയ്ഖ് ഖാലിദ് ബിൻ മുഹമ്മദ് ബിൻ സായിദ് അൽ നഹ്യാൻ ഈ ഔദ്യോഗിക ഉദ്ഘാടന ചടങ്ങിൽ പങ്കെടുത്തു. കല, സംസ്കാരം, നൂതനത എന്നീ മേഖലകളിൽ എമിറേറ്റിനുള്ള സ്ഥാനം ഊട്ടിഉറപ്പിക്കുന്നതാണ് ഈ മൾട്ടി-സെൻസറി ഡിജിറ്റൽ ആർട്സ് മ്യൂസിയം എന്ന് അദ്ദേഹം ചൂണ്ടിക്കാട്ടി.
നിരവധി വിശിഷ്ട വ്യക്തികളും, സാംസ്കാരിക നായകന്മാരും ഈ ഉദ്ഘാടന ചടങ്ങിൽ പങ്കെടുത്തിരുന്നു. ഉദ്ഘാടനത്തിന്റെ ഭാഗമായി ഇറ്റാലിയൻ പിയാനിസ്റ്റും, ഗാനരചയിതാവുമായ ലുഡോവികോ എയ്നഔദിയുടെ ഒരു പ്രത്യേക പ്രകടനം ഉൾപ്പടെയുള്ള പരിപാടികൾ അരങ്ങേറി.
പതിനേഴായിരം സ്‌ക്വയർ മീറ്ററിൽ നിർമ്മിക്കുന്ന ഈ മൾട്ടി-സെൻസറി ഡിജിറ്റൽ ആർട്സ് മ്യൂസിയം മിരാൾ എക്സ്പീരിയൻസസാണ് പ്രവർത്തിപ്പിക്കുന്നത്.
കാഴ്ച, ശബ്ദം, സ്പർശനം തുടങ്ങിയവ ഉപയോഗപ്പെടുത്തി സന്ദർശകർക്കായി അതിനൂതനമായ കലാഅനുഭവങ്ങൾ ഒരുക്കുന്ന രീതിയിലാണ് ‘ടീംലാബ് ഫിനോമിന’ അബുദാബിയ്ക്ക് രൂപം നൽകിയിരിക്കുന്നത്. കല, ശാസ്ത്രം, സാങ്കേതികവിദ്യ എന്നിവയുടെ സമന്വയമാണ് ഈ സാംസ്കാരികകേന്ദ്രം.
WAM
