അൽ ഹൊസൻ ഫെസ്റ്റിവൽ ഇന്ന് (2026 ജനുവരി 17) ആരംഭിക്കും. അബുദാബി മീഡിയ ഓഫീസാണ് ഇക്കാര്യം അറിയിച്ചത്.
Organised by @dctabudhabi, the Al Hosn Festival will take place from 17 January to 1 February 2026 at Al Hosn, bringing communities together through diverse interactive cultural programmes celebrating Emirati identity and Abu Dhabi’s living heritage. pic.twitter.com/qfqfcS34OG
— مكتب أبوظبي الإعلامي (@ADMediaOffice) January 16, 2026
അബുദാബിയിൽ എല്ലാ വർഷവും സംഘടിപ്പിക്കാറുള്ള സാംസ്കാരിക പരിപാടിയായ അൽ ഹൊസൻ ഫെസ്റ്റിവലിന്റെ ഇത്തവണത്തെ പതിപ്പ് 2026 ജനുവരി 17 മുതൽ ഫെബ്രുവരി 1 വരെ നീണ്ട് നിൽക്കും.
സാംസ്കാരിക തനിമയുടെ ആഘോഷമായ അൽ ഹൊസൻ ഫെസ്റ്റിവൽ അബുദാബി നഗരത്തിന്റെ ഉത്പത്തിസ്ഥാനവും, ചരിത്രപ്രസിദ്ധമായ ഖ്അസ്ർ അൽ ഹൊസൻ ഫോർട്ട് സ്ഥിതി ചെയ്യുന്ന ഇടവുമായ അൽ ഹൊസ്നിൽ വെച്ചാണ് സംഘടിപ്പിക്കുന്നത്. അബുദാബി ഡിപ്പാർട്ട്മെന്റ് ഓഫ് കൾച്ചർ ആൻഡ് ടൂറിസം (DCT അബുദാബി) സംഘടിപ്പിക്കുന്ന ഈ സാംസ്കാരിക മേള യു എ ഇയുടെ പൈതൃകത്തിന്റെ പ്രതീകമാണ്.
എമിറേറ്റിലെ സാംസ്കാരിക പൈതൃകം നിലനിർത്തുന്നതിനും, സംരക്ഷിക്കുന്നതിനും, പ്രചരിപ്പിക്കുന്നതിനും ലക്ഷ്യമിട്ടാണ് DCT എല്ലാ വർഷവും അബുദാബി അൽ ഹൊസൻ ഫെസ്റ്റിവൽ ഒരുക്കുന്നത്. എല്ലാ പ്രായവിഭാഗങ്ങളിലുമുള്ള സന്ദർശകർക്ക് ആസ്വദിക്കാനാകുന്ന രീതിയിലുള്ള പരിപാടികൾ ഉൾപ്പെടുത്തിയാണ് ഈ മേള സംഘടിപ്പിക്കുന്നത്.
ഈ മേളയുടെ ഭാഗമായി സംഗീത പരിപാടികൾ, സാംസ്കാരിക പ്രദർശനങ്ങൾ, കലാപ്രദർശനങ്ങൾ, കരകൗശല പ്രദർശനങ്ങൾ, ഭക്ഷണശാലകൾ, ചില്ലറവിൽപ്പനശാലകൾ, സിനിമാപ്രദർശനങ്ങൾ എന്നിവ ഉണ്ടായിരിക്കുന്നതാണ്.
അൽ ഹൊസൻ ഫെസ്റ്റിവൽ ടിക്കറ്റ് നിരക്ക്:
- പതിമൂന്ന് വയസ്സ് മുതൽ അമ്പത്തൊമ്പത് വയസ്സ് വരെ പ്രായമുള്ളവർക്ക് 35 ദിർഹം.
- അഞ്ച് മുതൽ പന്ത്രണ്ട് വയസ്സ് വരെ പ്രായമുള്ള കുട്ടികൾക്ക് 15 ദിർഹം.
- അഞ്ച് വയസിന് താഴെ പ്രായമുള്ള കുട്ടികൾക്കും, അറുപത് വയസിന് മുകളിൽ പ്രായമുള്ളവർക്കും പ്രവേശനം സൗജന്യമാണ്.
ദിവസവും വൈകീട്ട് നാല് മണിമുതൽ രാത്രി 11:00 വരെയാണ് (വാരാന്ത്യങ്ങളിൽ രാത്രി 12:00 വരെ) ഈ മേളയിലേക്ക് പ്രവേശനം അനുവദിക്കുന്നത്.
WAM
