അബുദാബി കോറൽ ഗാർഡൻസ് പദ്ധതിയ്ക്ക് തുടക്കമായി. അബുദാബി എൻവിറോണ്മെന്റ് ഏജൻസിയാണ് ഈ പദ്ധതി നടപ്പിലാക്കുന്നത്.
Under the directives of Hamdan bin Zayed, @EADTweets has launched the Abu Dhabi Coral Gardens initiative to further protect and sustain the marine environment, enhance biodiversity, and support food security and eco-tourism in the emirate. pic.twitter.com/SBxXMhnvX9
— مكتب أبوظبي الإعلامي (@ADMediaOffice) May 5, 2025
അബുദാബിയിലെ സമുദ്ര പരിസ്ഥിതി, സമുദ്ര ജൈവവൈവിദ്ധ്യം എന്നിവ സംരക്ഷിക്കുന്നതിനും, പുനരുജ്ജീവിപ്പിക്കുന്നതിനും ലക്ഷ്യമിട്ടാണ് ഇത്തരം ഒരു പദ്ധതി നടപ്പിലാക്കുന്നത്. പശ്ചിമേഷ്യൻ പ്രദേശങ്ങളിൽ നടപ്പിലാക്കുന്ന ഏറ്റവും വലിയ ഇത്തരം പദ്ധതികളിലൊന്നാണ് അബുദാബി കോറൽ ഗാർഡൻസ്.
2025-നും 2030-നും ഇടയിൽ നടപ്പിലാക്കുന്നത് ലക്ഷ്യമിട്ടാണ് ഈ പദ്ധതി വിഭാവനം ചെയ്തിരിക്കുന്നത്. ഈ പദ്ധതിയുടെ ഭാഗമായി എമിറേറ്റിൽ പവിഴപ്പുറ്റുകളുടെ ഒരു ഉദ്യാനം ഒരുക്കുന്നത് ലക്ഷ്യമിട്ട് നാല്പതിനായിരം കൃത്രിമ റീഫ് മൊഡ്യൂളുകൾ വിന്യസിക്കുന്നതാണ്.
ഏതാണ്ട് 1200-ൽ പരം സ്‌ക്വയർ കിലോമീറ്റർ വിസ്തൃതിയിലാണ് ഈ കോറൽ ഗാർഡൻ ഒരുക്കുന്നത്. അബുദാബിയുടെ തീരപ്രദേശങ്ങളിലും, ആഴക്കടലുകളിലുമാണ് ഈ കോറൽ ഗാർഡൻ നടപ്പിലാക്കുന്നത്.
Cover Image: Abu Dhabi Media Office.
