വാഹന പിഴതുകകൾ ഇളവുകളോടെ ഒടുക്കുന്നതിനുള്ള അവസരം ഉപയോഗിക്കാനായി അബുദാബി പോലീസ് ജനങ്ങളോട് ആഹ്വാനം ചെയ്തു. വാഹന പിഴതുകകളിൽ മൂന്ന് തരം ഇളവുകളാണ് നിലവിൽ അബുദാബി പോലീസ് പ്രഖ്യാപിച്ചിട്ടുള്ളത്.
ഡിസംബർ 22, 2019-നു മുൻപുള്ള നിയമലംഘനങ്ങൾക്കു ചുമത്തപ്പെട്ട പിഴതുകകൾ ജൂൺ 22, 2020-നു മുൻപ് ഒടുക്കുന്നവർക്ക് 50 ശതമാനം കിഴിവ് ലഭിക്കും. പിഴതുകകൾ ചുമത്തപ്പെട്ട് 60 ദിവസങ്ങൾക്കുള്ളിൽ അവ ഒടുക്കുന്നവർക്ക് 35 ശതമാനം കിഴിവുകൾ ലഭിക്കുന്നതാണ്. ഡിസംബർ 22, 2020-നു മുൻപ് പിഴ തുകകൾ ഒടുക്കുന്നവർക്ക് 25 ശതമാനം കിഴിവുകൾ അനുവദിക്കുമെന്നും അബുദാബി പോലീസ് അറിയിപ്പിൽ പറയുന്നുണ്ട്.
അബുദാബി പോലീസിന്റെ സ്മാർട്ഫോൺ ആപ്പ് വഴിയോ https://www.adpolice.gov.ae/ar/Pages/home.aspx എന്ന വെബ്സൈറ്റിലൂടെയോ വാഹന ഉടമകൾക്ക് പിഴതുകകൾ അടച്ച് തീർക്കാവുന്നതാണ്. അപകടകരമായ നിയമലംഘനങ്ങൾക്കൊഴികെയുള്ള പിഴകൾക്കാണ് ഇളവുകൾ അനുവദിക്കുന്നത്.
