രാജ്യത്തിന്റെ ഏതാനം പ്രദേശങ്ങളിൽ ഈ വാരാന്ത്യത്തിൽ ഒറ്റപ്പെട്ട മഴയ്ക്ക് സാധ്യതയുള്ളതായി യു എ ഇ ദേശീയ കാലാവസ്ഥാ കേന്ദ്രം അറിയിച്ചു. 2025 മാർച്ച് 20-നാണ് യു എ ഇ ദേശീയ കാലാവസ്ഥാ കേന്ദ്രം ഇത് സംബന്ധിച്ച അറിയിപ്പ് നൽകിയത്.
الطقس المتوقع ودرجات الحرارة العظمى والصغرى على مدن الدولة للأيام القادمة#المركز_الوطني_للأرصاد #درجات_الحرارة #الرطوبة_النسبية #دولة_الإمارات_العربية_المتحدة #طقس_الإمارات pic.twitter.com/Ut8bRL2sXK
— المركز الوطني للأرصاد (@ncmuae) March 20, 2025
ഈ അറിയിപ്പ് പ്രകാരം യു എ ഇയുടെ ചില പ്രദേശങ്ങളിൽ മാർച്ച് 23, ഞായറാഴ്ച രാവിലെ വരെ ഒറ്റപ്പെട്ട മഴയ്ക്ക് സാധ്യതയുണ്ട്. മാർച്ച് 23, 24 തീയതികളിൽ അന്തരീക്ഷ താപനില താഴാനിടയുണ്ടെന്നും കാലാവസ്ഥാ കേന്ദ്രം അറിയിച്ചിട്ടുണ്ട്.
മാർച്ച് 21-ന് സാമാന്യം ശക്തമായ കാറ്റിന് സാധ്യതയുണ്ട്. ഇതിനാൽ അന്തരീക്ഷത്തിൽ പൊടി ഉയരാനിടയുണ്ട്.
