2025 സെപ്റ്റംബർ 1 മുതൽ രാജ്യത്തെ പ്രധാന റോഡുകളിൽ തിരക്കേറിയ സമയങ്ങളിൽ ട്രക്കുകൾക്ക് വിലക്കേർപ്പെടുത്തുമെന്ന് കുവൈറ്റ് ജനറൽ ട്രാഫിക് വകുപ്പ് അറിയിച്ചു. 2025 ഓഗസ്റ്റ് 30-നാണ് കുവൈറ്റ് ആഭ്യന്തര മന്ത്രാലയം ഇത് സംബന്ധിച്ച അറിയിപ്പ് നൽകിയത്.
الإدارة العامة للمرور تعلن أوقات منع سير الشاحنات على الطرق الرئيسية
— وزارة الداخلية (@Moi_kuw) August 30, 2025
في إطار حرص وزارة الداخلية على تنظيم الحركة المرورية والحد من الازدحام خلال الفترات التي تشهد كثافة مرورية في حركة المركبات، أعلنت الإدارة العامة للمرور عن تحديد أوقات منع سير الشاحنات على الطرق الرئيسية… pic.twitter.com/3Nrc7gwo86
2026 ജൂൺ 14 വരെയാണ് ഈ നിയന്ത്രണം. 2025 സെപ്റ്റംബർ 1 മുതൽ 2026 ജൂൺ 14 വരെ താഴെ പറയുന്ന തിരക്കേറിയ സമയങ്ങളിലാണ് കുവൈറ്റിലെ പ്രധാന റോഡുകളിൽ ട്രക്കുകൾക്ക് വിലക്കേർപ്പെടുത്തുന്നത്:
- രാവിലെ 6:30 മുതൽ രാവിലെ 9:00 വരെ.
- ഉച്ചയ്ക്ക് 12:30 മുതൽ വൈകീട്ട് 3:30 വരെ.
2026 ജൂൺ 14 മുതൽ 2026 ഓഗസ്റ്റ് 31 വരെയുള്ള കാലയളവിൽ ഉച്ചയ്ക്ക് 12:30 മുതൽ വൈകീട്ട് 3:30 വരെ പ്രധാന റോഡുകളിൽ ട്രക്കുകൾക്കുള്ള വിലക്ക് തുടരുമെന്നും അധികൃതർ അറിയിച്ചിട്ടുണ്ട്.
ഗതാഗത കുരുക്ക് ഒഴിവാക്കുന്നതിനും, റോഡിലെ തിരക്ക് കുറയ്ക്കുന്നതിനും, റോഡ് സുരക്ഷ ഉറപ്പാക്കുന്നതിനും വേണ്ടിയാണ് ഈ തീരുമാനം.
