ഓഗസ്റ്റ് മാസം മുതൽ, കുവൈറ്റിൽ നിന്ന് 20 രാജ്യങ്ങളിലേക്കുള്ള വിമാന സർവീസുകൾ പുനരാരംഭിക്കുന്നതിനുള്ള നടപടികൾ കൈക്കൊണ്ടതായി ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (DGCA) അറിയിച്ചു. ഓഗസ്റ്റ് 1 മുതൽ ഈ തീരുമാനം പ്രാബല്യത്തിൽ വരുന്നതായിരിക്കും.
ഈ തീരുമാനപ്രകാരം കുവൈറ്റിൽ നിന്ന് താഴെ പറയുന്ന രാജ്യങ്ങളിലേക്കാണ് വിമാന സർവീസുകൾ പുനരാരംഭിക്കുന്നത്:
- ഇന്ത്യ
- യു എ ഇ
- ബഹ്‌റൈൻ
- ഒമാൻ
- ലെബനൻ
- ഖത്തർ
- ജോർദാൻ
- ഈജിപ്ത്
- ബോസ്നിയ ഹെർസഗോവിന
- ശ്രീലങ്ക
- പാക്കിസ്ഥാൻ
- എത്യോപ്യ
- യുണൈറ്റഡ് കിങ്ഡം
- ടർക്കി
- ഇറാൻ
- നേപ്പാൾ
- സ്വിറ്റ്സർലൻഡ്
- ജർമ്മനി
- അസർബൈജാൻ
- ഫിലിപ്പീൻസ്
ഈ രാജ്യങ്ങളിലേക്കുള്ള വിമാന സർവീസുകളുടെ സമയക്രമങ്ങൾ ഉൾപ്പടെയുള്ള വിവരങ്ങൾ താമസിയാതെ പ്രഖ്യാപിക്കുമെന്ന് DGCA ഡയറക്ടർ അബ്ദുല്ല അൽ രജ്‌ഹി അറിയിച്ചിട്ടുണ്ട്. കൊറോണ വൈറസ് ആരോഗ്യ സുരക്ഷാ മാനദണ്ഡങ്ങൾക്കനുസരിച്ചായിരിക്കും വ്യോമയാന മേഖലയിലെ പ്രവർത്തനങ്ങളെന്നറിയിച്ച അദ്ദേഹം, യാത്രികരോട് ഇവ കർശനമായി പാലിക്കാൻ ആവശ്യപ്പെട്ടിട്ടുണ്ട്.
