നിബന്ധനകൾ പാലിക്കാതെ കെട്ടിടങ്ങളുടെ ബാൽക്കണിയിൽ വസ്ത്രങ്ങൾ ഉണക്കാനിടുന്നത് നിയമലംഘനമായി കണക്കാക്കുമെന്ന് മസ്കറ്റ് മുനിസിപ്പാലിറ്റി മുന്നറിയിപ്പ് നൽകി. 2025 മെയ് 11-നാണ് മസ്കറ്റ് മുനിസിപ്പാലിറ്റി ഇത് സംബന്ധിച്ച അറിയിപ്പ് ആവർത്തിച്ചത്.
تواصل #بلدية_مسقط جهودها في الحفاظ على المظهر الحضاري للمدينة، من خلال تكثيف المراقبة وتعزيز الوعي حول الممارسات التي تسيء للمنظر العام، ومن أبرزها نشر الغسيل في الشرفات، والذي يُعد مخالفًا للأنظمة ويؤثر سلبًا على جمالية المباني والذوق العام. pic.twitter.com/Nn8iN8MLe8
— بلدية مسقط (@M_Municipality) May 11, 2025
പാർപ്പിടമേഖലകളിലെ കെട്ടിടങ്ങളിൽ സാധാരണയായി കണ്ട് വരുന്ന ഈ ശീലം നഗരസൗന്ദര്യത്തിനും, കെട്ടിടങ്ങളുടെ ഭംഗിയ്ക്കും കോട്ടം വരുത്തുന്നതാണെന്ന് മുനിസിപ്പാലിറ്റി ചൂണ്ടിക്കാട്ടിയിട്ടുണ്ട്. നഗരസൗന്ദര്യം സംരക്ഷിക്കുന്നതിന് മുനിസിപ്പാലിറ്റി പ്രതിജ്ഞാബദ്ധമാണെന്ന് മസ്കറ്റ് മുൻസിപ്പൽ അധികൃതർ കൂട്ടിച്ചേർത്തു.
ഇത്തരം നിയമലംഘനങ്ങൾ ഒഴിവാക്കാൻ പൊതുജനങ്ങളോട് മസ്കറ്റ് മുനിസിപ്പാലിറ്റി ആഹ്വാനം ചെയ്തിട്ടുണ്ട്.
Cover Image: @M_Municipality.
