രാജ്യത്ത് നിന്ന് ഏതാനം വിഭാഗങ്ങളിൽ ഉൾപ്പെടുന്ന മാലിന്യം കയറ്റുമതി ചെയ്യുന്നതിനുള്ള പരിസ്ഥിതി സംബന്ധിയായ ലൈസൻസ് താത്കാലികമായി നിർത്തലാക്കിയ തീരുമാനം തുടരാൻ ഒമാൻ അധികൃതർ തീരുമാനിച്ചു. ഇത്തരം ലൈസൻസുകൾ താത്കാലികമായി നിർത്തലാക്കിയ തീരുമാനം 2025-ലും തുടരുമെന്ന് ഒമാൻ എൻവിയോൺമെൻറ് അതോറിറ്റി വ്യക്തമാക്കിയിട്ടുണ്ട്.
#هيئة_البيئة | تنويه بشأن تمديد إيقاف إصدار التراخيص البيئية الخاصة بتصدير بعض أنواع المخلفات، ابتداءً من يناير 2025م ولمدة سنة. pic.twitter.com/LCJSqTMFVX
— هيئة البيئة – عُمان (@ea_oman) January 2, 2025
2025 ജനുവരി 2-നാണ് ഒമാൻ എൻവിയോൺമെൻറ് അതോറിറ്റി ഇത് സംബന്ധിച്ച പ്രഖ്യാപനം നടത്തിയത്. ഈ തീരുമാന പ്രകാരം, 2025 ജനുവരി 1 മുതൽ ഒരു വർഷത്തേക്ക് ഈ വിലക്ക് നിലനിൽക്കുന്നതാണ്.
താഴെ പറയുന്ന വിഭാഗങ്ങളിൽ ഉൾപ്പെടുന്ന മാലിന്യങ്ങൾക്കാണ് ഈ വിലക്ക് ബാധകമാക്കിയിരിക്കുന്നത്:
- ഉപയോഗിച്ച പാചക എണ്ണ.
- ഉപയോഗിച്ച ടയറുകൾ.
- സ്ക്രാപ്പ് ഇരുമ്പ്.
- ഉപയോഗിച്ച ബാറ്ററികൾ.
