രാജ്യത്ത് ലൈസൻസ് ഇല്ലാതെ പ്രവർത്തിക്കുന്ന ഓൺലൈൻ ടാക്സി കമ്പനികൾക്കെതിരെ നിയമ നടപടികൾ സ്വീകരിക്കുമെന്ന് ഖത്തർ മിനിസ്ട്രി ഓഫ് ട്രാൻസ്‌പോർട് മുന്നറിയിപ്പ് നൽകി. 2024 ജൂലൈ 13-നാണ് ഖത്തർ മിനിസ്ട്രി ഓഫ് ട്രാൻസ്‌പോർട് ഇത് സംബന്ധിച്ച അറിയിപ്പ് നൽകിയത്.
അധികൃതരിൽ നിന്നുള്ള പ്രത്യേക ലൈസൻസ് ഇല്ലാതെ ഖത്തറിൽ ഇലക്ട്രോണിക് ആപ്പുകളിലൂടെ യാത്രാ സേവനങ്ങൾ നൽകുന്ന എല്ലാ സ്ഥാപനങ്ങൾക്കും ഈ മുന്നയിരിപ്പ് ബാധകമാണ്. ഖത്തറിൽ ആകെ ഏഴ് കമ്പനികൾക്ക് മാത്രമാണ് റൈഡ്-ഹെയ്‌ലിംഗ് (ഓൺലൈൻ അപ്പുകളിലൂടെ ടാക്സി സേവനങ്ങൾ ബുക്ക് ചെയ്യുന്നത്) സേവനങ്ങൾ നൽകുന്നതിന് ഔദ്യോഗിക അനുമതി നല്കിയിട്ടുള്ളതെന്നും ഖത്തർ മിനിസ്ട്രി ഓഫ് ട്രാൻസ്‌പോർട് വ്യക്തമാക്കിയിട്ടുണ്ട്.
ഖത്തറിലെ അംഗീകൃത റൈഡ്-ഹെയ്‌ലിംഗ് സേവനദാതാക്കൾ:
- യൂബർ.
- കർവാ ടെക്നോളജീസ്.
- ക്യൂഡ്രൈവ്.
- ബദ്ർ.
- അബീർ.
- സൂം റൈഡ്.
- റെയ്ഡ് (Ryde).
