റാസ് അൽ ഖൈമയിലെ പൊതുഗതാഗത സംവിധാനങ്ങളുമായി ബന്ധപ്പെട്ട ബസ് ശൃംഖല വിപുലീകരിക്കുന്നതിന്റെ ഭാഗമായി ഒരു പുതിയ ബസ് റൂട്ട് ആരംഭിച്ചു. ഓറഞ്ച് റൂട്ട് എന്ന ഈ പുതിയ ബസ് റൂട്ട് സർവീസ് ആരംഭിച്ചതായി റാസ് അൽ ഖൈമ ട്രാൻസ്‌പോർട് അതോറിറ്റിയാണ് (RAKTA) അറിയിച്ചത്.
هيئة رأس الخيمة للمواصلات تطلق المسار البرتقالي ضمن مشروع النقل العام الداخلي
— RAK Transport Authority (@RakTransport) April 21, 2025
انطلاقاً من الخطة الشاملة للنقل 2030 لإمارة رأس الخيمة، وضمن خططها التوسعية في خدمات النقل العام بالحافلات التي تهدف إلى تغطية وربط كافة المناطق الحضرية بمركز المدينة في إمارة رأس الخيمة، فقد أطلقت… pic.twitter.com/OeRmp51Rcd
2025 ഏപ്രിൽ 21-നാണ് RAKTA ഇത് സംബന്ധിച്ച അറിയിപ്പ് നൽകിയത്. എമിറേറ്റിലെ പ്രധാന മേഖലകളെ ബന്ധിപ്പിക്കുന്ന രീതിയിലാണ് ഈ പുതിയ റൂട്ട് സർവീസ് നടത്തുന്നത്.
അൽ നഖീൽ മേഖലയിൽ നിന്ന് സൗത്ത് അൽ ധൈത് പ്രദേശത്തെ പ്രധാന ബസ് സ്റ്റേഷനിലേക്കാണ് ഈ സർവീസ്. ആകെ 13 കിലോമീറ്റർ ദൈർഘ്യമുള്ളതാണ് ഈ പുതിയ ബസ് റൂട്ട്.
അൽ നഖീൽ, ജുൽഫാർ ടവേഴ്സ്, അൽ സദാഫ് റൌണ്ട്എബൌട്ട്, ഡ്രൈവിംഗ് സ്‌കൂൾ, പോസ്റ്റ് ഓഫീസ്, ക്ലോക്ക് റൌണ്ട്എബൌട്ട്, ഫ്ളമിംഗോ ബീച്ച്, സൗത്ത് അൽ ധൈത് മെയിൻ ബസ് സ്റ്റേഷൻ എന്നിവയാണ് ഈ റൂട്ടിലെ പ്രധാന സ്റ്റോപ്പുകൾ. ഇരുപത്തഞ്ച് മുതൽ മുപ്പത് മിനിറ്റ് വരെയാണ് ഈ റൂട്ടിലെ യാത്രാസമയം.
രാവിലെ 6:30 മുതൽ രാത്രി 8:30 വരെ ദിനം തോറും 20 ട്രിപ്പുകളാണ് ഈ റൂട്ടിൽ ഉള്ളത്. 8 ദിർഹമാണ് ഈ റൂട്ടിലെ ടിക്കറ്റ് നിരക്ക്.
റാസ് അൽ ഖൈമ ട്രാൻസ്‌പോർട് മാസ്റ്റർ പ്ലാൻ 2030-ന്റെ ഭാഗമായുള്ള ഈ സർവീസ് എമിറേറ്റിലെ പൊതുഗതാഗത സംവിധാനങ്ങളെ കൂടുതൽ മെച്ചപ്പെടുത്തുന്നു.
Cover Image: Screengrab from video shared by @RakTransport.
