എഡ്യൂക്കേഷൻ സിറ്റി സ്റ്റേഡിയത്തിൽ വെച്ച് നടന്ന AFC ഏഷ്യൻ കപ്പ് ഖത്തർ 2023 ടൂർണമെന്റിന്റെ പ്രീ-ക്വാർട്ടർ മത്സരത്തിൽ സൗത്ത് കൊറിയ പെനാൽറ്റി ഷൂട്ട്ഔട്ടിൽ സൗദി അറേബ്യയെ പരാജയപ്പെടുത്തി.
മത്സരത്തിന്റെ മുഴുവൻ സമയം അവസാനിക്കുമ്പോൾ ഇരു ടീമുകളും ഓരോ ഗോൾ വീതം നേടി സമനിലയിലായിരുന്നു.
അബ്ദുല്ല റാദിഫ് (46′) സൗദി അറേബ്യയ്ക്ക് വേണ്ടി ഗോൾ നേടി. ചോ ഗു-സുങ് (90+9′) സൗത്ത് കൊറിയയ്ക്ക് വേണ്ടി സമനില ഗോൾ സ്‌കോർ ചെയ്തു.
തുടർന്ന് മത്സരം പെനാൽറ്റി ഷൂട്ട്ഔട്ടിലേക്ക് നീങ്ങുകയായിരുന്നു. പെനാൽറ്റി ഷൂട്ട്ഔട്ടിൽ സൗത്ത് കൊറിയ രണ്ടിനെതിരെ നാല് ഗോളുകൾക്ക് സൗദി അറേബ്യയെ പരാജയപ്പെടുത്തി കൊണ്ട് AFC ഏഷ്യൻ കപ്പ് ഖത്തർ 2023 ടൂർണമെന്റിന്റെ ക്വാർട്ടർ ഫൈനലിലേക്ക് പ്രവേശിച്ചു.
Cover Image: Qatar News Agency.
