യു എ ഇ: ഓഗസ്റ്റ് 1 മുതൽ ICA ഓഫീസുകളിലേക്ക് പ്രവേശിക്കുന്നതിന് പുതിയ സുരക്ഷാ മാനദണ്ഡങ്ങൾ ഏർപ്പെടുത്താൻ തീരുമാനം

2021 ഓഗസ്റ്റ് 1 മുതൽ ഉപഭോക്താക്കൾക്ക് യു എ ഇയിലെ ഫെഡറൽ അതോറിറ്റി ഓഫ് ഐഡന്റിറ്റി ആൻഡ് സിറ്റിസൺഷിപ്പ് (ICA) ഓഫീസുകളിലേക്ക് പ്രവേശനം അനുവദിക്കുന്നതിനുള്ള മാനദണ്ഡങ്ങളിൽ മാറ്റം വരുത്താൻ തീരുമാനിച്ചതായി അധികൃതർ വ്യക്തമാക്കി. ജൂലൈ 24-നാണ് ICA ഇത് സംബന്ധിച്ച അറിയിപ്പ് നൽകിയത്.

تدابير وإجراءات احترازية جديدة لمتعاملي وزوار الهيئة الاتحادية للهوية والجنسية

New Precautionary Measures for Customers and Visitors of the Federal Authority for Identity and Citizenship#الهيئة_الاتحادية_للهوية_والجنسية⁣⁣
#الإجراءات_الاحترازية#ICAUAE pic.twitter.com/F2X4YgIX2U

— Identity, Citizenship, Customs & Port Security UAE (@UAEICP) July 24, 2021

ഈ അറിയിപ്പ് പ്രകാരം, 2021 ഓഗസ്റ്റ് 1 മുതൽ ICA ജീവനക്കാർ ഒഴികെയുള്ള മുഴുവൻ സന്ദർശകർക്കും അതോറിറ്റിയുടെ ഓഫീസുകളിലേക്കുള്ള പ്രവേശനത്തിന് പുതിയ മാനദണ്ഡങ്ങൾ ഏർപ്പെടുത്തുന്നതാണ്. ഓഗസ്റ്റ് 1 മുതൽ ICA ഓഫീസുകളിലെത്തുന്ന സന്ദർശകർ, ഉപഭോക്താക്കൾ, കരാറടിസ്ഥാനത്തിൽ സേവനങ്ങൾ നൽകുന്ന സ്ഥാപനങ്ങളിലെ ജീവനക്കാർ തുടങ്ങിയ മുഴുവൻ പേർക്കും ഈ മാനദണ്ഡങ്ങൾ ബാധകമാക്കുന്നതാണ്.

2021 ഓഗസ്റ്റ് 1 മുതൽ ICA ഓഫീസുകളിലേക്കുള്ള പ്രവേശനം താഴെ പറയുന്ന മാനദണ്ഡങ്ങൾ പ്രകാരമായിരിക്കും:

• യു എ ഇ അംഗീകരിച്ചിട്ടുള്ള COVID-19 വാക്സിനുകളുടെ മുഴുവൻ ഡോസുകളും സ്വീകരിച്ചിട്ടുള്ളവരോ, 48 മണിക്കൂറിനിടയിൽ നേടിയ COVID-19 PCR നെഗറ്റീവ് റിസൾട്ട് ഉള്ളവരോ ആയ സന്ദർശകർ, ഉപഭോക്താക്കൾ എന്നിവർക്ക് പ്രവേശനം അനുവദിക്കുന്നതാണ്.
• ആരോഗ്യ അധികൃതരിൽ നിന്ന് പ്രത്യേക അനുമതി നേടിയിട്ടുള്ള വാക്സിനെടുക്കാത്തവർക്ക് 48 മണിക്കൂറിനിടയിൽ നേടിയ COVID-19 PCR നെഗറ്റീവ് റിസൾട്ട് ഉപയോഗിച്ച് പ്രവേശനം അനുവദിക്കുന്നതാണ്.
• പതിനാറ് വയസിന് താഴെ പ്രായമുള്ളവർക്ക് ഈ നിയമങ്ങൾ ബാധകമല്ല.

വാക്സിനേഷൻ സ്റ്റാറ്റസ്, ടെസ്റ്റ് റിസൾട്ട് എന്നിവ തെളിയിക്കുന്നതിനായി ‘Al Hosn’ ആപ്പ് ഉപയോഗിക്കാവുന്നതാണ്.